置業嘅好處 唔使我多講啦 喺度同大家分享下其他人嘅遭遇

Ttcc

置業嘅好處 唔使我多講啦 喺度同大家分享下其他人嘅遭遇

睇下大家係決定置唔置業之餘 多啲資料參考下啦

以下就係過去為咗準備置唔置業所做嘅功課

以下就係房屋署應付 無論公屋/租置或者買左俾你 佢地處理問題嘅方法


租者置其屋即中伏情緒困擾
“估計以為冇問題 買咗先至大問題
投訴無門冇人理你 呢個推嗰個嗰個推嗰個
問題一不離二 情緒跌入黑暗深淵”


蘇屋邨入伙單位99.9%滲水慘慘慘
“等咗咁耐 以為可以收樓可以有個安樂窩喇點知。。。
學房署話齋一張紙巾未濕曬就唔算漏水
揼咗十幾廿萬裝修落嚟 如果漏水嘅話呢 咁就血本無歸啦”


居屋甩漏逐個捉 天堂瞬間變地獄 東涌新居屋裕泰苑牆身遍布大窿質素零分
“當時 都好掙扎㗎 都諗咗好耐㗎 但係都想自己置業 因為抽到都好難得㗎喇 最後決定買咗呢個單位啦
向管理處反映得到嘅回應 如果有咩問題嘅 你咪試下搵啲傳媒報導下囉
如果100分係滿分 畀唔到分 如果夾硬要畀 會畀零分
隔音露台窗根本擋唔到雨 打風落雨 會成個騎樓都濕曬”


將軍澳居屋樓王 入伙不足一年卻已出現問題 天花滿水花
“個個都恨上樓唔放過任何一個置業機會搞到 抽居屋難度三級跳 不過如果俾你抽到呢啲單位真係執到都喊三聲
我唔會自己再承受多一次 自己要畀錢再裝修過間屋
你都咪話唔筍呀 難怪推出嘅時候爭崩頭
諗住生活有個新開始 點知係問題嘅新開始呀
樓宇滲水問題係老生常談 唔係樓上爆水渠 就係建築物老化啦 弊在而家問題發生係 入伙未夠一年嘅新樓 真係咁都得
新屋入伙變得污漬斑斑 真係喊都無謂
房署食環署滲水辦 每一日都打嚟 如果你想整 我哋真係保障唔到你架 都真係可能唔關我哋事㗎
個人直頭連火都嚟埋呀 如果我哋可以直接同承建商講幾句 都唔使搵你啦
辛辛苦苦儲咗二百幾萬買個安樂窩 有業主甚至等咗十年先抽到單位 全部付出冇諗住會換嚟咁嘅結果
唔單止成副身家仲負債咗好多錢 仲有之後咁多年嘅人生都投資咗落間屋度”


柴灣新入伙居屋居民齊集抗議「問都無問」就成立法團？
“不同小業主自發性去 提返其他好多唔知發生咩事嘅業主
管理公司比錯覺嗰啲小業主 佢哋係嚟幫手完成選法團
辛辛苦苦透過綠表上樓做業主 有邊個唔想有個安樂窩呀”


蝶翠苑甩漏多多 小業主拒成立法團 要求房署先完成執漏
“價錢係吸引嘅係講緊四幾折 但係你畀呢啲咁嘅嘢我 就算係一折 我買返嚟 又有何用呢
房署綠置居計劃 小市民辛辛苦抽到居屋 本應係件開心事 入伙嘅街坊高峰期大約係十一月左右 但呢班蝶翠苑嘅業主發夢都冇諗過 新落成嘅居屋竟然有咁多問題”

tedtammy

mon2005

個別例子吧，整體不是太差的

andylee81

用下腦都知係吹水，蘇屋邨99.9%滲水
一來冇可能會咁多滲水，二來真係多滲
水，肯定會有人報東張。

蔡chl

stephenyau

私樓冇問題咩? 咪一樣有

龍劍飛

Good Luck

tattat.chiu

慘呀

豬事丁

滲水多的事，好多不開口，
返工回又唔理，只是嚴重到極點，東張才報出來

ceo222

好多單新公屋居屋出事就係精進建築起D樓有問題，不過都好多人要，個個大埔新公屋都好似係精進起，但因為佢新，一樣大把人要。