白表/綠表…求賜教

楊管

白表/綠表…求賜教

一家三口住2~3人公屋…想申請居屋2023…請問可否由兒子(29歲)與祖父(無公屋戶籍)用白表參加"家有長者優先選樓計劃"？還是一家三口聯同祖父用綠表參加"家有長者優先選樓計劃"？
哪一個方案機會較大？
謝謝??（代發帖）

配房組

回應 #1 楊管

孫與祖父, (孫的父母仍在), 都唔係核心家庭, 揀樓排喺核心家庭後面啦.

粒粒野哥哥

先答第一個問題: 兒子與祖父用白表, 會係「非核心家庭」, 我唔知非核心家庭有無「家有長者」, 但即使有, 都係「排喺核心家庭後面」, 即係「核心家庭家有長者100粒珠揀完晒都未用晒配額」情況下先會有機會揀樓, 而呢個情況超過99.9%機會率唔會出現

然後一家三口既情況, 公屋換綠表申請居屋, 居屋申請表住戶成員名單必須與公屋住戶成員名單一致。祖父無公屋戶籍, 綠表就唔可以有祖父個名。

所以用家有長者優先選樓計劃, 唯一可行方法係「一家三口聯同祖父入白表申請」
請注意: 夫婦如合法在港居留及健在, 必須在同一申請表上, 例如祖母持有物業, 加入祖父名, 就必需加入祖母, 就會不符合資格。

zooeleddhh

補充一下,根據歷屆數據,非核心家庭揀樓機會率係0%。

每年都有一車車非核心家庭送申請費比政府。

kamanwo

申請須知有講