唔抗拒跳舞
Jer:我自己都幻想到火花可以好勁
華納晒冷搞音樂派對,除了有陳蕾、洪嘉豪與神秘男歌手開騷,亦撮合MC( #張天賦 )與阿Jer( #柳應廷 )於8月30日開騷,另外Dear Jane亦會與海外組合開唱,而眾人亦會與師弟妹如張蔓姿、Moon Tang 、 Zpecial、Nancy歸綽嶢、Gareth.T等開family party演唱會。
今次MC與阿Jer為一系列演唱會打頭陣,兩人已開始傾演出項目,阿Jer明言好期待:「《造星》之後好少可以同MC合作,大家都係咁鍾意唱歌,又係busker出身,有呢次機會crossover,我自己都幻想到火花可以好勁。」
MC預計要花好多時間練歌,至於跳舞方面,他們先說:「我哋B4組其實咪跳過舞!」又反問:「有咁期待咩?」但最終都答應:「如果嗰part跳係好睇啲嘅,我哋唔抗拒。」阿Jer希望今次開騷可以多一些對唱環節:「我哋兩個嘅歌都係難唱,希望多啲對唱嘅機會,唔好表演完自己歌就算。我好鍾意佢好多歌,佢好多歌都喺我playlist入面,想試吓佢啲R&B。」MC則希望挑戰《狂人日記》以外的歌。
MC又分享唱歌心得:「我最近發現身體好啲,對唱歌真係有幫助,真係要做多啲運動,順便減埋肥。平時keep住正常食量無問題,臨開騷先減少,但唔食冇心情、冇氣唱!」
Jer亦有講到fans club改選:「有少許了解,知道佢哋改選中,希望成件事順利進行。一直都擔心佢哋太忙,要處理自身工作又要花好多時間喺我哋身上,希望佢哋可以快啲解決現時遇到嘅問題。」
#娛壹