老實講…好唔開心

roxete6312

老實講…好唔開心

之前用公屋申請換綠置居 以為係更好環境
同我想像嘅唔同 你話要時間適應 適應咗一年 都係好唔開心 壓力好大 好掛住舊居
以前舊居偏僻啲 靜啲 雖然無咁方便 但起碼日日可以瞓到鬧鐘醒
新居市區日日即使禮拜六日都係6點就畀車嘈醒 咁耐冇一日訓過安寧 戴耳塞都瞓唔到
除左面積大咗 其他環境買餸配套醫療我真係唔覺比舊居方便 你可以話我唔知足 但put in my position 其實每日好煎熬 最唔想就係返屋企
當初抽中咗以為中六合彩咁好運 中途加息都有打算撻訂放棄 經常諗如果嗰時撻訂就好
每次供按揭比管理費地租差餉嗰陣就好肉赤 好似食飯落錯order錯嘢硬食咁 要為無鍾意嘅嘢硬食25年 仲有大廈維修費雜項費 諗返住100年公屋都唔係洗咁多
賣唔係咁易賣到 賣咗又住邊？ 已經用咗唯一的房屋福利 所有路已經畀我堵死晒 真係只能攬住間屋過下半世 好希望所有嘢返轉頭 返去遞表前就好

mkdavid

換私樓, 買返舊屋附近

carol2357

yes

happyhappyhk

啟鑽？試下播白嘈音 市區預左嘈

SLLAM

唔好意思，我嘅睇法同你唔同，希望你唔好介意。你講嘅問題有大有細。細問題係噪音與生活配套不足，呢點公屋都有，只係你之前嗰間冇。不過公屋嘅大問題係，你正正常常生活，都有可能突然失去公屋資格，居住權好唔穩定。例如你屋企嘅戶籍人口減少咗，你可能會因此變成富戶而被趕走，呢點綠置同居屋就冇。至綠置同居屋比較大嘅問題，即係供樓、交差餉、維修費，呢啲你買之前應該要預咗喎，唔係應該有咗準備咩？再唔係，你都可以購買後5年賣出去，然後再買私樓。雖然近期樓價跌，但由於綠置同居屋第一手訂價較低，通常轉手都有賺。

王大媽

回應 #1 roxete6312

呢d習慣姐…
我之前住新界平房，晚上10時睡覺，早上6時起身，不知幾舒服。

1年多前搬上樓，樓層7樓以下，樓下公園仔，日間在家，樓下很多人嘈喧巴閉，我又敏感，成日覺得耳嗚，晚上最慘，我睡覺還早，樓下嘈音不斷，第一晚要到零晨一時累極才能入睡，頭3個月都是這樣，我都好辛苦😪。
但我沒選擇，舊居是暫住老友記平房，遲早會拆卸，到時我何去何從，一個仔屋企住不下跟媳婦又有磨擦，另一兒子住劏房，都不能接濟。
無何奈何之下頂硬上，到今日已經住了1年4個月，四圍環境沒改變，但自已心態已經適應左，晚上睡覺雖然時好時壞，但我已經沒有那麼敏感，有時下晏可以補眠，生活尚算愉快。



日子仲會過，願樓主盡快習慣新生活、平安順遂🤞

khs1101

其實近馬路方向既樓係預左嘈,真係要習慣.....到習慣左就冇問題。
真係頂吾住就唯有等到禁售限期滿就換間吾向馬路（園景）既樓。
我都係咁換左。

mon2005

如果係啓鑽，地點優越，住下住下就慣

sukichan12

住好低層?

LBB601477

回應 #1 roxete6312

其實點解好似咁受罪呢?第一市區係會嘈D, 選樓前應該實地去睇下, 第二, 你以前住公屋地方住左20年當然好習慣, 現在市區嘈,關窗耳塞都唔可以減低嘈音?供樓一定有些壓力買樓時沒有心理準備?市區方便出入地方又大左, MTR又到達其實係真係好好, 舉個例子, 兩夫妻, 年輕時沒有鼻寒聲, 到50歲左右, D聲大到在廳都聽到?
估計你居住外圍D嘈音沒有咁勁呀?還是因為供樓有壓力睡眠質素差,容易醒呢 ? 試試找出原因先,市面好多健康食品有助睡眠, 又可以去試試啦, 開心D啦去面對新環境