良景邨邨辦職員好離譜！

joe123

良景邨邨辦職員好離譜！

不吐不快…良景邨邨辦職員恰我媽老人家理解力低…自己出錯…態度又hea又衰😡

話說家母幾經辛苦…第4次機會派咗良景邨1人單位…6月去睇屋時上手剛搬走…所以仲翻新緊…預計8月中可辦入伙手續…所以暫時唔需要簽文件…等電話通知。

早兩日收到特快房屋申請…都冇理會…因為已經坐定粒六等8月上樓。

今日家母收到房署電話…職員話誤會家母唔要間屋…所以單位已掉出公海…收唔返。依家要等第五次派屋…家母不憤…唔明白誤會如何產生…問極職員推卸責任…講到係家母言詞令職員誤會。當時我在場…仲向職員查詢日後起租及裝修事宜…約定好等電話通知…何來誤會？

我幫家母至電查詢…問幾次職員都仲搞錯緊單位號…幾經查證話單位未有派出…可以幫手問主任睇下有冇得攞返…留左我電話叫佢覆我(家母讀書少…唔識處理)

最後職員skip咗無打電話畀我(我懷疑驚我投訴)…直接打電話畀家母…說服佢會派另一個「四正」嘅單位畀佢…本邨吉屋有廿幾間…選擇好多…家母不敵便無奈應承。

依家要等到下星期一先可以幫佢追究…我真係好嬲…點解堂堂職員態度可以如此hea…仲話出錯職員會受到處分…佢都好慘...情緒勒索家母。

附圖：本來派07室…依家話畀08室…聲稱「四正」…仲要無講畀邊座…真係口響響…為咗息事寧人…講乜都得。
（轉發）

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

Celina

咁都有得誤會架咩？其實接受個單位流程係點架？唔係有文件簽？點樣可以誤會？

carol2357

真係好過份喎值得投訴

mon2005

07室和06室大門出入超唔方便，而家派08 因禍得福啦

[黃小姐]

07室好似大啲架喎！

new-page

07室開揚好多喎…真係離譜！

Tonychow

7,8,9都不好,（親友曾居良俊07,入門長位窄,浴室廁所好細）如非急上樓,可博下派

new-page

既然個主任話07室未有派出，咁不如要返佢好過。08室一來又細間啲，二來個單位係縮咗入去，隻窗咁細，應該冇咩陽光入到屋。

yamasia

08 明顯黑屋~  

chausiumei

支持你投訴, 職員大晒咩? 外判之嘛