我想弄清楚資助房屋有沒有居住限制

想住到死果日

我想弄清楚資助房屋有沒有居住限制

為什麼在這區發帖…因為以價錢來看…資助房屋的級數就是 居屋 > 綠置居 > 租置屋邨…因此最高級的居屋規則應該可以應用到所有資助房屋。

疑問：

1. 資助房屋單位做貨倉做髮型屋…應該梗係唔得…但如果發現有人用居屋單位做呢D野…應該搵邊個部門？

2. 任由任何人居住…可以帶任何人來同居…甚至冇香港身分證都好只要合法入境就可以俾佢住。直覺上我覺得既然我係業主就無問題…實情係點？

3. 養狗…這因為我唔會養所以無關心…實情係點？

請解一解惑🙏

忻妹

我記得講明不准養狗，但實情啲狗都係直行直過，管理員唔理。

至於入面住咩人更加無人理，我都留意到有住户住左一段時間之後，變左另一啲人住（唔知係暗盤放租定借俾親友住），只要行為上唔搞到其他人，都無人會過問，始終係自置物業。

但如果太張揚咁做生意就應該唔得，始終正當係要商業登記。依家啲人唔興揾政府部門，有片有資料就搵東張西望😆

mon2005

屋契有說明居住用途，違反會被釘契，管理員都會做嘢。 有錯請指正

Kwokchisan

可以報房屋署

楊管

回應 #1 想住到死果日

如果懷疑/發現有違規情況..可以向房署舉報。

根據資助出售單位業主與香港房屋委員會(房委會)於購入單位時所簽訂的買賣協議…業主只可將該單位作私人住宅用途…並確保將由其本人及名列購買該單位申請表上的全部家庭成員居住。任何家庭成員(包括業主本人在內)倘事前未得房委會的書面同意…不再實際或永久居於該單位…則不論原因為何…房委會有權要求業主把該單位轉讓回房委會…而業主在收到房委會的書面通知後…必須立即把該單位轉讓回房委會…有關費用及支出概由業主負責。

能否養狗…視乎大廈公契內容。
如果獲得房委會書面同意..可以飼養導盲犬/伴侶犬。

我為樓狂

回應 #5 楊管

之前就係捉過一單，凱樂苑有業主喺從未入住嘅情況下賣樓大賺被捉，之後房署要佢嘔晒所賺差價

SLLAM

唔止𠻹，仲規定抵押間屋做貸款只能做一次，而且目的只可以係用嚟支付首期之外嘅樓價餘額。之後你就算供滿咗間屋，都唔可以用間屋抵押做其他貸款。

想住到死果日

回應 #7 SLLAM

簡化一下啦，這都是我阿爸最關心問題：
未補地價既租置屋邨/綠置居/居屋單位 ，可唔可以俾未拎到單程證既內地配偶長住（頂多每3個月往返一次）？
這在公屋如果被IMMD 發現肯定唔得，只不過IMMD 都唔會日日捉到真正II，以前就由佢，而家咁多獵巫應該經常有人報警。
如果話唔得就會好奇怪，因為無論買私樓定租私樓都得，但租置屋邨/綠置居/居屋人士明明掛住業主名居然唔得。

想住到死果日

回應 #5 楊管

唔好意思, 都係想問清楚, 因為發現蠱惑位：

根據資助出售單位業主與香港房屋委員會(房委會)於購入單位時所簽訂的買賣協議…業主只可將該單位作私人住宅用途…並確保將由其本人及名列購買該單位申請表上的全部家庭成員居住。任何家庭成員(包括業主本人在內)倘事前未得房委會的書面同意…不再實際或永久居於該單位…則不論原因為何…房委會有權要求業主把該單位轉讓回房委會…

字面上咁睇, 係反而加人得而減人唔得?

咁如果我住居屋, 我弟弟嫌居屋都係成個公屋款, 有本事搬出去啦, 都要做報告房署呢D公屋戶先做既野咩?

定係, 補完地價, 先至可以大晒?

楊管

回應 #9 想住到死果日

可以刪除家庭成員
https://www.housingauthority.gov...ownership/HD771.pdf

補了價 可以解除出租及出售的限制 唔係大晒