投訴嘈音…反而被建議調遷

楊管

投訴嘈音…反而被建議調遷

唔知有冇人想聽下客觀分析…點解向邨辦/房署投訴受嘈音滋擾…反而會被建議調遷？

唔係因為要解決提出問題那方…而係因為房屋署無權要求對方搬走…只有除非有實際證據去扣分…2年內扣滿16分先收到佢間屋…調遷只可以由當事人去申請搬走。

倒返轉嚟睇…如果某日你被人投訴製造嘈音騷擾他人…但明明你咩都無做過無嘈過…突然房署就出信要你搬走…你覺得你會接受搬走？搬屋係需要用錢裝修…時間…精力等。

睇左咁多個案…嘈音係好難搵源頭…聽落去都係好似樓上製造…我亦做過實驗後…發現樓下…樓下隔離既嘈音聽落去都係樓上。

純粹希望大家都客觀d去交流…仇恨房屋署職員建議你調遷都無幫助解決嘈音問題。

利申：我都受過嘈音騷擾…但我去了解源頭然後同對方傾談及建議後得到改善…多謝大家睇我咁長氣既分享。
（代發帖）

[黃小姐]

其實係咪公屋本身隔音問題差？細單位真係好應聲！
我以前都成日被半夜鑽牆聲嘈到，本來冇諗住投訴，因為了解中轉屋係好多成日搬走或新嚟，點知樓上話係我，但我真係咩都冇做，保安仲入屋睇咗，我話我都聽到鑽牆聲，當場保安喺我屋企都聽到鑽牆聲架！
跟住又試過對面座有人十二點就播念經嘅聲音，跟住保安就投訴去了解每一戶，我信耶穌點會念經...
跟住又試過成日有人全日係度唱K，開到好大聲，保安都有去跟進！
我自己覺得真係頂唔順，可以試下同你覺得嘈嘅住戶溝通下先，如果唔係下下搵保安，對方可能覺得你咩都投訴咁！
我就好少理嘈音，因為明白真係唔知聲音原頭唔一定係樓上樓下隔離，可能係隔幾層或隔幾戶嘅位置！
覺得多一事，不如少一事！

folee0001

解決嘈音問題 must  hong kong government make new laws  ,2 我自己覺得真係頂唔順 , i call doctor , must 房署耍手段 ,成日話住房不足,3 最好出去租.4

folee0001

覺得多一事，不如少一事 ,一係你搬定我走

[黃小姐]

如果頂唔順試下搵精神科醫生傾下，話精神上頂唔順，睇下醫生幫唔幫到調遷定搵房署搞！