公屋戶唔睇售樓說明書…中伏

楊管

公屋戶唔睇售樓說明書…中伏

一怒之下爆晒全屋內牆！

公屋戶「上車」買「綠置居」做業主…本來是一件喜事…現實卻有人歡喜有人嬲！一名女子日前於社交平台以「香港買居屋一定要小心…不然會…」為題…發表「警世文」…講述自己的「中伏」經歷…並表示：「希望大家唔好好似我哋咁『蠢』」。

該名女子表示…自己與家人以420平方呎的公屋單位「一換一」買綠置居…購入上水清濤苑一個414平方呎的大單位…不過取鎖匙開門後即時崩潰…因為「開門果刻嚇死…點解間屋會咁細嘅？仲細過原本間屋（公屋）咁多嘅」…形容事件「真係一個好肉赤嘅教訓」。

該名樓主表示…因為家裡有3至4人居住…所以在揀樓時…看見清濤苑只剩下最後一間可容納3至4人的414平方呎大單位…就即時拍板入手…並未有認真細閱單位的詳情。

樓主其後致電房署查詢…問及為何自己原本的公屋單位與剛買入的綠置居單位同樣是400多平方呎…但後者可用面積卻只有320平方呎…為何面積相差這麼遠？原來她一直忽略了兩個重要資訊：
1. 牆壁在地面所佔面積必須計入實用面積
2. 因住宅物業的較高樓層的結構牆的厚度遞減…較高樓層的內部面積…一般比較低樓層的內部面積稍大。

根據《一手物業銷售條例》…以上兩項資訊都必須在售樓說明書列出…所以買樓前…必須睇樓書！睇樓書！睇樓書！

樓主又表示…一怒之下…決定打通單位所有內牆…把梗廚轉成開放式廚房、並將廁所縮小！不過問題來了！這樣的拆牆工程合規嗎？

據房屋署資料顯示… 居屋的廚房門可自行拆卸…但是所有拆牆工程都要向屋宇署申請入則…如要將梗廚改建成開放式廚房…須依照消防條例加設合適的防火設備…在未經屋宇署的批准下進行改建…即屬違規。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

我係女仔

咩佢唔知買樓從來都計建築面積既咩?！

Roy444@

無得怒怨啦😒怨就只有怨自己疏忽及冇留意到!其實好多資訊已有講過居屋及綠置居售價呎吋計埋牆身厚度😓曾去睇過啟X苑底層售樓書寫27X呎但睇實物約得23X呎！所以要買呢類屋要有心理準備落差大😮‍💨

KarsonHo

咁都得

想住到死果日

喂咁仲唔報警？

JW1229

睇相已拆牆嘅印跡, 相右上角, 係厚牆身, 係廚房主力牆, 咁拆法應該違規！

其實中左伏, 最多咪撻訂...你收咗樓, 又怒火爆拆牆, 唔多啱喎！

心急上樓52

乜野牆身呀？厚到唔見成百呎？

Roy444@

回應 #6 JW1229

違例！等收屋還原再+控告 輸了一筆$有一筆$ 成件事向房署完美發洩......爽👍但 Total loss

arbighk

LBB601477

其實大家買樓前要睇下平面圖就大家知道, 公屋跟綠置居, 間格一樣, 230 尺是公屋, 280尺是綠置居或居屋, 兩樣實際是相同可用面積,別睇樓書的數字吧!