|
心情動態：
來自彩盈邨 |
人生變幻無常
記得大約一個月前(15/11即是街坊們行奧比斯當日)我一班阿姨, 舅父黎我新屋慶祝我地新屋入伙, 順便攪咗個小型入伙派對, 當日大家玩得好開心, 食嘢, 飲酒, 影相.........., 大約一個鐘頭後, 可能自己飲多咗酒之後入房小睡, 大約半個鐘頭後, 醒咗出廳發覺原來已經走哂, 上兩個星期收到當日影嘅相, 發現原來當晚瞓覺嘅醜態俾人影低咗, 到尋晚食飯醒起問我兩個妹'有冇攪錯, 偷影人地瞓覺嗰樣', 我兩個妹答話'當我地影大合照時發現唔見你, 所以咪打算入房叫你出黎影相, 點知你瞓咗, 所以咪影你囉'之後我地三個就哈哈哈哈大笑一輪, 然後再談論下個月飲其中一個表妹嘅喜酒, 但係一個鐘頭後收到一個電話, 當日到我地屋企嘅舅父尋日中風入咗醫院,暫時半身不遂, 要等做手術, 一個一個月前我仲可以同佢食飯飲酒嘅人, 突然一個月後可以有咁大變化, 使我感到人生在世變幻無常, 依家我地屋企人只希望舅父做完手術後可以慢慢康愎, 如果唔係尋日食飯講起當日開心嘅情況勾起當日嘅回憶, 之後就聽到呢個消息, 我諗我未必有咁感觸
|
||
|
|
|||
|
心情動態：
來自非公營房屋 |
我諗你會無事既, 前幾年我阿爸係點樣你都知架啦, 唔好話你依家一個月咁大變化啦, 我都估唔到當年阿爸突然要入院, 住左一個星期就要走囉, 我當時一樣無心理準備兼接受唔到.
有時間多d去睇你舅父啦 
|
||
|
|
|||
|
心情動態：
來自油麗邨 |
人生就係咁化學架喇,lee個moment係度談天說地下一個moment都唔知有咩事發生,所以大家要珍惜眼前人,珍惜與家人及朋友相聚ge時間~~
坊坊:你都唔好太難過,年紀大機器壞,生老病死係人生必經的階段,,最緊要你o地多d關心佢陪佢,令佢早日康復~~ 
|
||
|
|
|||
|
心情動態：
來自彩盈邨 |
希望你舅父大步檻過, 祝佢早日康復, ...........大家要珍惜眼前人.........
|
||
|
HKBN 100MB寬頻喎~ 30都冇呀!!!
|
|||
|
心情動態：
來自彩盈邨 |
聽到你呢件事真係好唔開心, 不過人生真係變幻無常, 希望你舅父做完手術後慢慢康復冇事就最好喇!!
 我記得我大家姐幾年前都突然中風, 入院住左一段時間, 出院返嚟既時候係行動不便, 口齒不伶俐, 出入都要人扶, 同以前既佢簡直係兩個人, 佢最初都接受唔到, 但佢&佢屋企人都冇氣餒, 依家雖然行得慢d, 但總算好番, 你都樂觀d, 比多d支持你舅父啦...
|
||
|
|
|||
|
心情動態：
來自非公營房屋 |
人生變幻無常,樂觀面對,
 雖然同你舅父素未謀面,但願祝佢早日康復,
|
||
|
|
|||
|
心情動態：
來自彩盈邨 |
原帖由 賈定珍 於 18-12-2008 16:39 發表 是啊. 多去看望吧.
|
||
|
|
|||
|
心情動態：
來自牛頭角上邨 |
唔好灰呀!!比d勇氣去面對, 仲要比多d勇氣同支持你舅父同埋家人...
希望你舅父大步檻過, 祝佢早日康復!! 兩過一定會天晴ga!! 
|
||
|
|
|||
