淘大吉野家.....唔好去呀.....

carolleung99

淘大吉野家.....唔好去呀.....

琴晚我同老公同個仔係淘大間吉野家預備吃飯. 我同個仔去左睇水牌睇下食咩啦...我老公就坐係位到等啦.....我老公突然走過來同我地講...走啦, 唔食啦.....原來佢話個經理走去個去用D好差語氣話佢無著鞋個隻腳繞在另外一隻腳上面....唔得喎....欠衛生喎....我老公當時係著crocs涼鞋.....重話佢係度摔腳....咁我老公即刻起身話 '我唔係大陸佬, 我無做過'... 我老公 6 呎高, 一起身, 個經理竟即刻消失左...都吾知佢去左邊....後來有個super來同我地say sorry...但係最後我地去左大排擋囉...我都唔會再去食野囉....><

ar詩＊

我覺得呢個只係員工個別ge問題,,,同間食店無關... 除非係d食物有問題...-.-  
我相信個員工會俾人鬧/處分ge...   樓主都唔好咁嬲喇! 笑下喇~

VickYeung

　
我好明白當事人既感受 , 不過照睇可能只係個別員工態度問題 ~

亞敏

我唔明點解叫人"唔好去"o羅.......我覺得職員冇做錯喎!只係言語上既問題,食物質素冇問題,反而我覺得好少餐廳會咁注重衛生添!
我都明白作為客人受到咁既服務態度係好難受既,但唔關間餐廳事喎!況且個super都同你地say sorry洛,下左啖氣......算啦!

[ 本帖最後由 亞敏 於 2009-2-24 11:03 編輯 ]

曲奇餅

原帖由 亞敏 於 2009-2-24 11:00 發表
我唔明點解叫人"唔好去"o羅.......我覺得職員冇做錯喎!只係言語上既問題,食物質素冇問題,反而我覺得好少餐廳會咁注重衛生添!
我都明白作為客人受到咁既服務態度係好難受既,但唔關間餐廳事喎!況且個super都同你地say  ...

同意!!  果位職員冇做錯, 恃高大嚇走人又點?
仲有點解話：「 我唔係大陸佬, 我無做過... 」
咁講對大陸人有D不公平, 就算當時真係冇摔腳, 咁著涼鞋撓腳係事實喇?
相信當時係有人投訴, 個職員先會出聲,
係公共場合大家遷就下, 既然著涼鞋就唔好撓腳惹人反感,
人人做好D, 大家都和氣D啦

☆水☆

原帖由 亞敏 於 2009-2-24 11:00 發表
我唔明點解叫人"唔好去"o羅.......我覺得職員冇做錯喎!只係言語上既問題,食物質素冇問題,反而我覺得好少餐廳會咁注重衛生添!
我都明白作為客人受到咁既服務態度係好難受既,但唔關間餐廳事喎!況且個super都同你地say  ...

同意!!

反而樓主你一個post 引發左幾個問題出黎...- -

carolleung99

回應 5# 曲奇餅 的帖子

你要知道人ge心態, 第一佢就以為我老公係大陸人, 好虾D, 所以講D咁ge野. 第二, 如果佢真係有人投訴ge話, 佢做咩講完即走. 第三, 佢個語氣同態度十分差, 如果吾係我地係吾會咁激氣. 第四, 吾通著涼鞋同撓腳係有問題咩? 佢隻腳底係對著牆吾係對著出面D人嫁. 況且我地好有善要求個super叫個經理出來, 想佢解釋下姐. 但佢未解決個事情就走左, 真係不付責任.  間食店係間做街坊生意吾係要著踼死兔下ma?  要知道客人永遠是對的, 今時今日ge服務態度係吾得嘅. 如果間食店係咁ge話我係吾會再去ge.

ar詩＊

原帖由 carolleung99 於 2009-2-27 23:13 發表
你要知道人ge心態, 第一佢就以為我老公係大陸人, 好虾D, 所以講D咁ge野. 第二, 如果佢真係有人投訴ge話, 佢做咩講完即走. 第三, 佢個語氣同態度十分差, 如果吾係我地係吾會咁激氣. 第四, 吾通著涼鞋同撓腳係有問題咩 ...

我認為人地又唔係同你有仇都唔會無喇喇切你地生豬肉喇,, 同埋我唔太同意"客人永遠是對的" 呢句說話,雖然作為消費者某程度上都係買緊個間公司ge服務, 員工應該令各位客人得到平等ge待遇,同等ge服務... 但係要明白食店內仲有其他客人,, 我相信為左其他食客ge利益,,個位員工無論嚮有冇人投訴ge情況下都會咁做,, 人人平等,,店舖為左生意會以客為先..但唔代表客人永遠是對的,, 另外,  '我唔係大陸佬, 我無做過'  呢一句說話 話中含意 各人理解不同,,可能樓主係認為講出黎表示自己唔係大陸人唔係好蝦d,,但係可能會有人理解成一種歧視甚或含有貶意,, 表示 大陸人會摔腳,, 意思含糊ge說話真係會令人誤解,,
最後,我認為 [旁觀者清,當局者迷] 件事都已經過左去...各人對事件都有唔同ge立場,, 但我相信此事都無損吉野家ge形象,之於大家去唔去光顧就由大家衡量~

亞力山大帝

原帖由 carolleung99 於 2009-2-27 23:13 發表
第一佢就以為我老公係大陸人, 好虾D, 所以講D咁ge野.

點解妳都會覺得自己老公係大陸人，好蝦D？我相信呢個睇法係妳既諗法o者！個員工同妳地無怨無仇，做咩要針對妳地呀？

第二, 如果佢真係有人投訴ge話, 佢做咩講完即走.

6呎巨人喎，我見到都走啦！況且，講完唔走做咩呀？唔通仲繼續係度刺激個客人！

第三, 佢個語氣同態度十分差, 如果吾係我地係吾會咁激氣.

咁我相信呢樣，個員工係有責任既，大家用詞、語氣問題o者！

第四, 吾通著涼鞋同撓腳係有問題咩? 佢隻腳底係對著牆吾係對著出面D人嫁.

呢樣就好難講啦！我就接受唔到囉，但係我都覺得著涼鞋撓腳係無問題既，所以換轉係我，我會自己調位囉，我諗我唔會投訴佢既！

客人永遠是對的, 今時今日ge服務態度係吾得嘅.

呢句係好景時候用既！而家社會講求平等，如果有客人無理取鬧的話，都要啞忍？
其實客人係唔係永遠是對的，係好需要睇下客人既素質係點既！
況且，店方都要顧及其他客人既！
不過，事情都過左啦，唔好勞氣啦！

再去唔去幫趁，由各位街坊決定啦，橫掂九龍灣大把野食！

[ 本帖最後由 亞力山大帝 於 2009-2-28 08:58 編輯 ]

aaa

原帖由 亞力山大帝 於 28-2-2009 08:50 AM 發表

絶對同意亞力山大帝所講
問題根本不是係唔係大陸人、或只係街妨食店、或員工嘅態度問題。就算係香港人或任何國籍人士、就算係在大排檔或高級食店，都要有個人禮儀，個人不雅的行為會影響其他客人的食慾，相信一定係有客人向員工投訴你，員工才向你作出勸導，員工只是盡責。另外，唔可以一句（客人永遠是對的），就大哂，亦都要衡量自己的行為是否影響其他人及合唔合理。