寬頻電視機頂盒拉電線問題

蜜糖熊

寬頻電視機頂盒拉電線問題

電腦擺在一邊牆，而電視機擺在對面牆，寬頻電視機頂盒擺在電視機旁，如果要由電腦嗰邊拉條電線接駁到寬頻電視機頂盒，唔想係天花拉條明線，可以點樣做呢???

盈富街坊

如果你未舖地, 可以試下問師傅幫你拉定一條lan線過去對面牆先.  我聽日再幫你問一問下同事. 佢地都教我叫師傅拉定條線過去先架.

daddy

之前冇o林過這問題.實用

盈富街坊

我同事之前俾個一個好似電話制盒既野我睇, 係要黎插寬頻線既.  佢話可以夾定條線2邊過去個盒到(每邊一個盒, 一個當然係本身安寬頻線附近啦.), 咁第日就算再用其他公司既寬頻, 都唔使拉咁遠條線.  我聽日問清楚個同事同埋試下搵個盒仔影張相上黎.

我係女仔

我屋企用無線架, 即係唔洗插線, 個電腦放邊都得

蜜糖熊

原帖由 盈富街坊 於 2008-8-1 02:19 發表
我同事之前俾個一個好似電話制盒既野我睇, 係要黎插寬頻線既.  佢話可以夾定條線2邊過去個盒到(每邊一個盒, 一個當然係本身安寬頻線附近啦.), 咁第日就算再用其他公司既寬頻, 都唔使拉咁遠條線.  我聽日問清楚個同事 ...

唔該哂，重未舖地，之前已叫裝修CF係原本的電話線制拉一條入膠喉線到對面牆做多一個電話線制，電視天線都係咁樣拉多一線過對面牆，以便日後可以任何一邊牆都擺到電腦同電視機。

但後來先想起重有寬頻電視機頂盒要由電腦接駁到對面牆嘅電視機，請問(1)咁我要唔要係地做多一條膠喉比呢條寬頻電視機頂盒線，(2)同埋現在用Now TV條線，日後如舖好地磚，想轉用香港寬頻TV，寬頻CF可唔可以係膠喉入面拿走Now TV條線，再係膠喉入香港寬頻TV條線?　　又或者應該點樣做

盈富街坊

原帖由 蜜糖熊 於 2008-8-1 07:56 發表
唔該哂，重未舖地，之前已叫裝修CF係原本的電話線制拉一條入膠喉線到對面牆做多一個電話線制，電視天線都係咁樣拉多一線過對面牆，以便日後可以任何一邊牆都擺到電腦同電視機。

但後來先想起重有寬頻電視機頂盒要由電腦接駁 ...

第一個問題個答案係, 原理就好似你話個電話咁.  先叫師傳係你安裝寬頻既位置加一個呢d盒仔(當然個樣靚好多啦, 薄到好似電制個d, 呢個係我公司個d, 好醜樣), 而你對面又再加一個.  當然兩邊係條膠喉包lan線駁住左係地底啦.  咁你明未..... .  你第二個問題呢等我等陣得閒少少再諗一諗.

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

蜜糖熊

原帖由 盈富街坊 於 2008-8-1 09:41 發表


第一個問題個答案係, 原理就好似你話個電話咁.  先叫師傳係你安裝寬頻既位置加一個呢d盒仔(當然個樣靚好多啦, 薄到好似電制個d, 呢個係我公司個d, 好醜樣), 而你對面又再加一個.  當然兩邊係條膠喉包lan線駁住左係 ...

多謝你回覆，即係膠喉入咗條lan線先，lan 線係味即係cable線? 　呢條lan線係味都適合間間寬頻公司接駁寬頻電視機頂盒?

盈富街坊

原帖由 蜜糖熊 於 2008-8-1 10:37 發表
多謝你回覆，即係膠喉入咗條lan線先，lan 線係味即係cable線? 　呢條lan線係味都適合間間寬頻公司接駁寬頻電視機頂盒?

你可以係膠喉入左條lan線先, 即係插電腦個條寬頻線.  我諗即係你講既cable線.  再唔係同師傳講你叫佢幫你整定條喉, 預你過2條線.  咁你第日可以自已慢慢將條線再穿過去.  

同埋呢你咪叫左師傅幫你加電話制嘛.  你去電腦商場睇一下, 有D電話寬頻既電話板制係FOR哂插2樣野.  
係度打好複雜, 希望你明啦.

蜜糖熊

明白　明白　好清楚　唔該哂