回應 #15 t463463
舒緩/擠迫對3人以下排既時間當然無咩影響....但唔知參加舒緩/擠迫既4人以上家庭有無諗下,如果一開始排2人, 等4年上到樓, 一上到樓, 2人變4或5人...再等3年可以揀心水樓, 前後你地排左7年.....普通4,5人隊, 一樣最少等7年, 但無自住權, 房署比咩要咩, 甘都唔緊要, 但大部份普通隊比左D咩呢?! 未就係不受歡迎單位或超舊樓....但舒緩既你地, 我唔講新唔新樓, 淨係地點可以自己揀, 已經比普通隊好好多....
有D2人單位住6人果D, 直頭比2間細單位佢地, 又係可以揀區!!
見好多舒緩/擠迫戶, 一開始申請時((專登))拎最少人去申請, 因為可以快D上到樓,一上樓唔夠1年就狂加人....一加唔係加一個喎, 係雙倍甘加,之後就同人幾慘幾迫...., 如果一對夫婦 + 小朋友果D, 唔該真係無本事唔好生3,4個!....
而孝順仔同父母住既, 無問題, 但唔該唔好結左婚後,又生2個, 本身派果陣已經比3-4人單位你, 你唔覺得迫, 咪生一個囉, 3-4人單位住5人勉強夠....有D人生左2個, 3-4人單位變6個, 係好迫, 但唔該正確做法係年輕夫婦+2位小朋友自行申請排4人普通隊, 而唔係比樓佢地揀.....
難聽D講, 根本好多舒緩/擠迫戶就係人為整造出黎~~ 但同時間同其他人講自己幾慘, 2人單位住6個人.....但又唔諗返轉頭,當初你地係幾人申請呢?!
唔係話上左樓後唔比加人, 但正常黎講, 無可能一加加成2,3個人.....我相信加一個人好難有資格揀樓....有資格果D, 我深信起碼比原先多成2-4個人
得罪晒~~~
本帖最後由 lucc644 於 2016-08-26 16:19:39 編輯
