SLLAM

唔怪得只有人鬧富戶霸住間公屋，冇人鬧政府唔起多啲公屋，更冇人鬧啲有錢佬一人買一千間屋啦！

running

我覺得輪候者都好多反對，因為少咗好多機會派新樓。成日話會影響輪候時間，其實又有幾多影響呢，只不過係多...
tsmtang01 發表於 2018-01-08 01:57:42 原文

起碼影響半年，你試下等多半年先上樓咪明白，好多人捱緊鬼租㗎
利申：我一d都唔反對綠置，好贊成政府比大家有機會置業，只係希望政府可以做好d，唔好搞著d輪候人士姐

tsmtang01

起碼影響半年，你試下等多半年先上樓咪明白，好多人捱緊鬼租㗎
利申：我一d都唔反對綠置，好贊成政府比大...
running 發表於 2018-01-08 18:57:28 原文

黎緊呢一，兩年新界都冇乜新屋，你可能因為綠置居而加快咗上樓時間，你可能係呢個計劃嘅得益者之一，針冇兩頭利，冇可能乜野計劃都十全十美，皆大歡喜。

花開極樂

另外起幾多綠置居都歡迎哦，但原定係公屋嘅變咗綠置居，好明顯減少咗供應量好嘛！就講火炭四千八個單位了，本來起好就派得，輪候冊要前進吾知幾多。但是變咗綠置居，要賣出先，再等人裝修交翻間舊屋出來，房署又要番新一下。呢期時間至少一年。本來4800全部可派比輪候冊嘅，但是幾時先賣得曬全部呢？
希望以后不要打公屋主意哦 交貴租，空間又超細，住到真係人都易躁。

仲未計市區重建及新界搬遷"安置"(如深水埗，石峽尾，土瓜湾，洪水橋等。安置定必扣減配屋額。街隊必定推遲再推遲，只有遲上加遲。

wmz

輪候公屋人士住新樓機會係少左，但系分分鐘派比你彩虹，華富，市區黃金屋村都唔奇。
一旦上左樓，你就會支持綠置居的了、

Eiffel

市區的公屋轉成綠置居，的確係會有輪侯者反對。尤其一心想入住市區公屋，差唔多輪到的幸運兒。
但若是 大嶼山或大西北的公屋轉綠置居，相信這班人是不會反對的。

之不過，為了增加收入、應付需求、避免綠置居計劃失敗無人買，選址不得不在市區。

未來新推市區公屋有
碩門邨二期（3000) 、欣安邨二期（1900)、 全樂邨（4860) 、 全康邨（740) 、全富邨（950) 、
大窩口道（360)、長青（1680)、青衣路（500)、涌美路（800)、 青鴻路（2800)
葵翠邨（866）、新葵街（650) 、 麗祖路（800) 、 葵盛圍（400)、 荔景邨南（500)、麗瑤街（800)、
蘇屋二期（3800) 、 長沙灣3號地盤（1300) 、 麗智邨（3800) 、 海盈邨（2700)、
石硤尾邨（1500) 、 深旺邨（2800) 、 白田（3100) 、 秀茂坪邨（300)、長沙灣屠場（3900)
東頭村（1000) 、 黃大仙豐盛街（800) 、 彩福邨第三期（950) 、 曉明街公屋（1100)
油麗村（500) 、 秀明道（450) 、 連翠邨（300) 、 明華大廈（4100)、永泰道（800)、宏照道（2650)
大磡村（3130) 、 豐盛街 （750) 、 田灣（600)、欣盛里（500)、堅尼地城（2340)
將軍澳北（3700)、坑口（2100)、魷魚灣村（2500)、美東（2200)、大坑西新邨（5000)
未計其餘東涌/屯門/上水/粉嶺/洪水橋/古洞/橫洲/東大嶼人工島的公屋,
粗略計算有80000個市區公屋單位陸續推出。

假如好似呢篇新聞咁講（ http://orientaldaily.on.cc/cnt/news/20170525/00176_072.html ）
現時，出租屋村的營運成本比所收租金還要多22%，即係每多租一個市區單位，每年要就多蝕大約570元。
出租多80000單位就是每年多蝕4560萬！

相反地，如果將8萬單位賣出去，平均250-300萬一間，合計收入是2000億~2400億現金。
不但唔駛繼續每年蝕本，亦唔再需要依靠政府注資。

8萬個單位＝全港公屋戶的10%；8萬個單位賣唔賣得晒？
單單是富戶都已近三萬，相信隱形富戶存在不止一兩萬。
將8萬單位平分在五至十年間放出，連埋增長應該差不多切合需求了。
（又不是一定要即時賣出，一屋在手，遲早有人要）

若綠置居市場反應差，賣唔去，輪公屋條隊係可能慢咗；（到時可將居屋計劃的白表比例提高來平衡翻）
不過若保持到個市場反應（每次推出都有超額N倍申請）便可得到大量收入；
得到大量現金收入，建屋速度亦能提升幾倍，輪公屋條長龍係會自然縮短的。

真心希望黎緊市區公屋全都轉晒綠置居，
讓房署賺多D錢，到時再移山填海或是重建舊村，供應多D新單位。

wmz

分析詳盡。綠置居是不會賣唔晒的。政府會睇住市場才推出
只係控制計畫的規模和時間。

yhlui

為了增加收入、應付需求、避免綠置居計劃失敗無人買，選址不得不在市區，，，，，？？
為何一定要在市區呢？？ 以往的居屋幾多都是在新界，拓展，離島區啦！而家住緊居屋嗰啲唔係人嚟㗎？係鬼嚟㗎？難道只從自身最大利益出發点 攞盡著數啫？？
我反而覺得最不應該是世襲住在市區公屋嗰一群，應搬到離島住(如觀塘/ 黃大仙/九龍灣/葵涌/深水埗)等