chocolate8188

回應 10# SandyCPS


    點計呢??呀女係第一個..我自己細時就讀馬鞍山聖若瑟小學...但我想比呀女讀沙田官立小學或循道衛理小學或培基小學呀.

SandyCPS

1. 父/母全職在這小學同一校址的幼稚園或中學部工作(20分)
2. 兄/姊在這小學同一校址的中學部就讀(20分)
3. 父/母為該小學校董(20分)
4. 父/母或兄/姊為該小學畢業生(10分)
5. 首名出生子女(5分)
(上述5項，只可揀選1項)

6. 與該校的辦學團體有相同的宗教信仰(5分)
7. 父/母為該小學主辦社團的成員(5分)
(上述2項，只可揀選1項)

8. 適齡兒童(即翌年9月開課時年滿5歲8個月至7歲)  (10分)


大家可以參考下！

SandyCPS

回應  SandyCPS


    點計呢??呀女係第一個..我自己細時就讀馬鞍山聖若瑟小學...但我想比呀女讀沙田官立...
chocolate8188 發表於 2011-4-4 20:58

chocolate8188,


照咁計，若您個女選︰


1. 馬鞍山聖若瑟小學(89區)
您囡囡應有20分，即第4項(10分)+第8項(10分)
若該校讀得較輕鬆，如是二線學校，咁您到時叩門都有機會。
或者在第二輪選擇的勝算都很高。
但若已是心儀學校，就無所謂，照用20分在第1輪入，機會好大好大。
若您是天主教徒，在該校就更可以加多5分，即是25分，入硬。
要看這校的教學方法是否適合囡囡，校風近年好不好等。
知道您之前話該校讀得輕鬆，咁係好D；但若因此而校風稍遜就不要選了。



2. 沙官小(88區)
如果想讀沙官，要在第1輪跨區選，但沙官小好熱門，又無宗教背景，
您囡囡只得15分，即10分(第8項)+5分(第5項)，應該較難入。
而且，這間學校對您來說較遠，同埋都幾谷下…



3. 馬循(89區)
要看您有無宗教分，有就共20分，好大好大機會。
我朋友囡囡跨區20分第1輪入左，今年9月升小一。
但無宗教分，只有15分，都不是問題。
但佢都好熱門，如果您第1輪、第2輪A1及B1都選佢，
15分入的機會都好大。
小一全級5班，每班30人，算是大班教學。
但勝在夠近，校風不錯，而且banding應該好過聖若瑟。
又有宗教背景，基督教辦學都較好，而且問過高班開始有團契，呢樣我幾like。



4.  培基(91區)
講到團契，小一的興趣班(其中1天有選定)團契與電腦隔周舉行。
而中午的小息時間有基督徒家長義工來和不同的學生一起禱告。
又是要看您囡囡有無宗教分，有就20分，無就15分。
不過，這是超熱門學校，我拿著20分都無信心入到，
因為我教會朋友仔仔都係20分，都未入到，要看看第2輪的運氣。

若15分的話，加上堅持和誠意，若抽不到都可能有叩門機會。
堅持和誠意的意思如上面一樣，第1輪排第1位，
若未成功，則第2輪A1及B1都排佢第1位，
並且最好A2, A3留空，等佢抽唔到都直接由A1跳至B1。


^^綜合上述分析，聖若瑟最機會，但您心儀的馬循機會都好大。
而沙官小︰搏唔過，好谷，我果次聽完個校長講野，我就唔想揀。
馬循︰搏得過。可惜無去過參觀，但有朋友囡囡讀緊，亦有朋友在當中教緊，評語不錯。
您不如留意下幾時開放日，4月打後都係開放日，上年佢地5月開放日，我錯過左。

只是個人分享，希望幫到您！

Sandy

chocolate8188

回應 13# SandyCPS


    O...THX U呀。。好詳細 。。。我都心大心細緊 。。到時有咩唔明就問下你先。。呵呵

卓BB

回應 13# SandyCPS


    嘩~~你好清楚呀,到時真係要再問一問你意見先得啦,你好勁呀

SandyCPS

其實我對馬鞍山的小學唔係好熟，只不過咁啱我有留意過馬循、靈糧、禧年……
因為當時預左房署派大圍、沙田或馬鞍山，咁咪留意埋law。

有D學校比較熟，係因為有家長朋友，問下佢地會知多D。
不過，都要自己訂下首選心水，
當然意思係啱番小朋友既style。
譬如，小朋友係谷唔谷得？成績本身好不好？
以傳統學習吸收多D？
還是以活動教學、小組討論咁學習吸收多D？

其實，以我囝囝咁活躍既性格，
比較適合活動教學的，
但近年幼稚園的老師的評語較差，唔敢搏，(其實我好想)
加上老公覺得另一間校風好D，而且我後來問過朋友家長，
佢話關愛氣氛好，中午又有家長和小朋友祈禱，
又有足夠支援(特別學習支援)
(但我就怕嚴D，仔仔可能唔太適應。)

而家好多小朋友都有情緒問題、社交問題，
我會找一些學校較關愛、足夠社工或輔導主任的學校。

而大圍區，我就鍾意陳元喜，陳元喜都谷谷地，
不過我見佢都活動教學下，而且老師給我印象良好。
若小朋友有情緒問題，家長可短暫陪伴上課適應。
(這個是我私下問一位老師，並不官方)
在大圍區，熱門情度與沙官小不相伯仲，
一樣有不少人跨區申請。

另外，有朋友亦高度推介新翠村的循理會小學，
著重關愛學生，在大圍區亦是熱門之選。

另外，馬鞍山的禧年、靈糧、主風都好熱門，
所以到時大家要早點留意，尤其是現在也差不多開放日。
不要錯過機會，自己和小朋友親身參觀好D。

chocolate8188

回應 16# SandyCPS


    陳元喜.我老公以前讀呢間.. 我就讀聖若瑟

SandyCPS

回應  SandyCPS


    陳元喜.我老公以前讀呢間.. 我就讀聖若瑟
chocolate8188 發表於 2011-4-7 10:48

咁要看看您老公果間係現在的馬鞍山分校，還是秦石果間？
因為家長係舊生的分是計原本的上午校或下午校的。

若秦石果間當然最好啦！D人跨區揀係揀秦石呢間。
如果係，咁我建議您直情揀秦石呢間陳元喜，gd!!gd!!gd!!入硬。

但若馬鞍山果間，D人話怕會殺校，
所以我唔知佢係咪收生唔夠。您可以問清楚。

chocolate8188

我老公係秦石果間呀...

SandyCPS

您老公果時讀上午校定下午校？

咁而家搬黎馬鞍山呢間係上午校定下午校？

要相同先至有分。

如果係就真係恭喜您，照之前計時咁話，
12分鐘去到大圍站，您同囡囡响秦石落車行上去到OK。
好快返到學校，唔一定要搭校車，
不過落雨就麻煩D。