女巫BOBO

睇d交通佩套  就激死人 一個字 ~~~~~~~~~行~~~~~~~~~~~~~~~~

彩喜比利

回應 1# kenug35166

keung35166.....感謝你的意見,地區幹事顏汶羽及譚肇卓一向關注三彩交通問題
所以係4/8/2011連同官塘區議員林亨利議員/陳國華議員/陳百里議員約見運輸署商討三彩交通問題,有部份議題與你所提及有關,如 :

83A成15分鐘1班.....根據紀綠約5-8分鐘一班,而且上月起已加多一架車行走,繁忙時間15分鐘一班應該無乜可能

點解三彩連一條出旺區同返學線都冇?整條去深水步既特快線
兩位地區幹事顏汶羽及譚肇卓亦建議開設一條往深水埗巴士線(途經旺角,九龍城) , 運輸署現正收集數據及策劃中

整條循環線往來黃大仙,囉樂富總站做循環點,方便返學.....除咗返/放學時間,我諗都無乜人搭

拉條224x黎彩福轉全日,可以快速到尖沙咀 .....將224X伸延,亦是計劃之一

111P轉做全日.....運輸署現正與巴士公司討論緊可行性

最緊要拉14b方便落觀塘shopping個人建議你座綠Van~35 / 紅Van 落觀塘都幾方便啊

danny_hk

回應 12# 彩喜比利


    深水步線我個人覺得將6D由來承擔就得。只要稍為微調下路線就得。走彩石裡經3彩。咁可以環保D，唔使特登整多條路線，加重道路的負擔。唔知點啊比利？

蚊兒..

回應 12# 彩喜比利
整條往來黃大仙,囉樂富總站做循環點,方便返學除咗返/放學時間,我諗都無乜人搭

回應返你先:......老實講...大部份人都係因為返工和返學先坐車.....所以...我諗你的答覆是不可接受的~!!!!
           照你說..那地鐵要關閉了.....我只係返工返學才坐.....補充一點...不是人人的上班時間一樣....有些人可能早上7點,,有些人8點...再講...9點-下午6點....都可能有人上班....那你就不理他們嗎~????
開條線就一定有人坐的~...最多繁忙時間多點班次..繁忙時間可少一點班次~~
              除左返學,返工,....你會有咩時間會坐車呢.....我話你知.....去街...探親....SHOPPING......
             所以你話多一條 循環線  是多麼的方便...起碼有多幾個轉車的選擇....!!!!...ANYTIME都有人坐~....
你再想想....我們的3彩那麼多人....不會少人坐的~
再加提一下.....起街市~~!!!!!!方便更多的人~!!!!

敏carman

樓主應該是一個巴士迷

但政府似乎偏重鐵路網絡

MaggieWong

而家彩德淨返果6座樓同彩福果1座樓開始入伙左一段時間喇!好多單位都裝修緊
好難想像全部入伙之後單靠九龍灣...
kenug35166 發表於 2011-8-14 21:09:54

你放緊假,得閒出個油塘巴士線丫~

annieckw

彩喜比利

回應 13# danny_hk

danny兄....由於考慮到 6D 只途經深水埗青山道後經石硤尾回程
並未有途經長沙灣道/荔枝角道出旺角,所以.......

彩喜比利

回應 14# 蚊兒..

樓主是一名巴士迷,我相信佢會知道九龍灣巳有 11C 及 11D 去樂富及黃大仙區
而 11C / 11D 有幾多搭客亦好清楚
若果開多條線去樂富,路線只會三彩經龍翔道去樂富,樂富經龍翔道返三彩
不如妳自己諗吓.......
1) 呢條路線會否經過10間學校
2) 現有逾15條巴士線途經龍翔道,若果15-20分鐘先有一班車,咁仲有幾多搭客乘搭呢
3) 遷就三彩居民上班 (經龍翔道去樂富,樂富經龍翔道返三彩)....咁係咪兜埋入新蒲崗工業區
     巴士公司好現實,無客叫極都唔開,有錢揾唔叫都開
     就以 83A 同 83M 為例,小巴線老細開線蝕到而家.....

kenug35166

回應 12# 彩喜比利


   就算83a係5分鐘一班都唔店,假設繁忙時間有一百人(彩福+彩德)等小巴,一班16人,要6-7班小巴先載得走一百人,排最尾D人要等30-35分鐘先上到車,等於30-35分鐘先清走D人

如果有接駁MTR港鐵站既巴士既話,繁忙時間巴士可以做到5-10分鐘一班,就算用短身2+2座位既雙層巴,一架都可以載104人

所以巴士效率高好多