我叫師傅批灰時記得剷底見水泥, 個師傅話剷底唔好
請問大家有冇剷到見水泥？
Ellis24 發表於 2019-11-03 01:28:45 原文
其實你鏟底個原意、就係想耐用、唔好咁快油漆剝落、所以個底就一定要實。
房署新樓用膩子灰、就係佢夠硬淨、防水能力高過傳統熟膠灰。
至於鏟底需唔需要鏟到見石屎、實際係唔需要。
因為油漆剝落既原因、就係長期受到天氣變化、有濕氣影響附著力先會油漆剝落。
如果勉強剷走膩子灰、天花或者近窗口位置、長期有水氣既地方、裝修佬做返熟膠灰、就唔係咁理想。
膩子灰其實可以批外牆、如果你有留意外牆紙皮石、都係批膩子灰再油漆、當然個隻膩子灰靚過房署。
其實剷完底、或者批完灰事前事後做返水施娜都有防水作用、增加油漆附著力。其實素光油都得、不過唔環保、氣味大、又唔係咁正宗。
好多人都係一知半解、覺得俾錢剷底、老虎蟹都要剷盡唔好蝕、其實仲弄巧反拙、你有無見人外牆油漆會剷底剷到見石屎？
又咁講顧客永遠是對的、如果真係有特別要求、真係要見石屎都得、加錢咯。
本留言最後由 nak 於 2019-11-03 17:01:44 編輯
