allegro

電視機唔重, 又未化學到掛唔起電視機  
tkwmb 發表於 2020-11-26 14:57:24 原文

同樣道理, 好多人都會問航母咁大點解唔會沉，佢地只會望隻航母好大，無諗過航母係汪洋大海只是一隻紙船...

SAMTANG321

其實都唔係話完全擔心佢承重不到嘅問题嘅, 之所以有咁諗法係:
1.) 由於係空心牆関係, 要找出到佢實心位可能麻煩點要打多些洞孔去試.
2.) 諗住反正都要做電視機櫃, 而廁所內上下又要做櫃, 咁打掉它做兩面櫃既可省下牆位又可偷入部分廁所櫃的一點深度用嚟做放前面的影音設備, 咁廰的電視櫃就不用做得咁厚身突出可簡潔一些又令廳可闊落D.
3.) 又因會打掉此牆的関係下, 咁又可順道將此牆位向廁內稍移入一呎度再做回, 咁個廰便可闊落多一呎了.

所以基於以上多種誘因便令我有了此意慾想法, 只是不知是否可行.

hlce1317

carriewwf

咁做會因小失大，日後又唔知有幾多手尾！

tortoiselkf

粒粒野哥哥

唔建議用櫃去間廚所牆, 主要原因在於個防水層
廚所個防水層係成個U字咁, 五邊牆(四邊加個底)圍起, 所以先漏唔到水出去
但如果用櫃去間牆, 原本一邊牆既防水層會被移除, 萬一水喉老化漏水就會漏出黎廳, 甚至流落下層

即使唔怕樣衰, 個櫃面做防水層, 因為櫃同地台用咗唔同物料, 熱漲冷縮唔同, 防水層好易會裂開

如無意外用櫃間廚所唔係唔得, 但唔建議就係因為十幾年間會壞水喉既意外都幾高, 仲要好多時係櫃內漏水, 一時三刻五星期唔發現都未定果隻...
啲水留返喺廁所裏面, 個櫃霉咗大不了幾千蚊換櫃, 但如果流咗落樓下就係幾十萬起跳

仲有一點就係... 即使係空心石屎牆, 空心最薄果Part都幾厚下, 同塊夾板差唔多厚, 而石屎密度比夾板高得多, 相信直接掛電視喺空心石屎牆會安全過櫃好多

SAMTANG321

粒粒兄所言之商確點小弟也深感認同, 無錯, 我真係計漏了防水層呢個考量, 只係一直着眼於霧氣濕氣那方面去諗, 以為裝了櫃及藤空了的地方只要也貼上磚便可解決到等同一様效果, 但其實還有防水層呢様野如何能匹配做在木板上的問題仍未去考慮過, 太大意了, 真多謝幫認真去考慮之提點 ; 睇嚟幅磚牆厚度真係冇得慳了, 要再度度個方案, thanks .

da418