SLLAM

你都係用你阿媽個綠表資格買二手居屋大單位啦，一手綠表大單位而家極少

louislkl

1. 要過最終審查，等候派位上樓果段期間先可以申請綠表資格證明書。詳情去返公屋版應該有更多資料。

2. 有兩種可以申請 1. 申請當期居屋或綠置居嘅綠表資格證明書；2. 申請綠表購買資格證明書 買居二單位嘅綠表資格證明書。兩種有唔同。

3. 如果輪候公屋等上樓去申請綠表資格證明書，成功申請，公屋派位就會暫停，即係唔會派樓住，直至你資格證夠期或者你另有通知。

4. 如果一人申請公屋，證明書就必定得一個名，就只可以一人申請居屋或綠置居，無得加名，排名都一定係單人隊，最後嘅組別揀樓。

5. 如果想加名轉家庭隊博申請居屋大單位，得，一係就申請公屋期間加名，一人長者轉家庭，如果加名成功就到時會派大公屋單位，不過壞處就係由原本等個幾月上到樓變成等幾年先有機會上樓，原因去公屋版睇。

6. 另一做法等長者上到樓，然後先加名，咁就可以以家有長者申請居屋有機會博到大單位，但壞處係個單位只係夠最多兩個人住，你成家人就好窄。

7. 講到尾就係如果你人工太高，或者有樓，咁其實乜都唔洗諗，你唔好搞咁多野，一係就繼續由個長者住公屋，一係就出錢養長者住私樓。

8. 最後最後，輪候公屋加名就用輪候公屋嘅入息資產限額，上到樓後加名就用富戶政策入息資產限額。

rickyloh

綠表申請買第二市場會多啲選擇

山邊深情的山羊

入1人綠表唔等於家有長者，白居二只能二手居屋，仲要有人放
輪候中已可申請綠表資格證明書，但會暫停派樓1年

但其實入息超額...已經唔洗諗，比你加到去公屋戶籍時都係富戶
用綠表買二手

wmlyung75

建議你綠表單人可以試下等房恊有新的資助房屋出售時試下抽,因為房恊揀樓次序同房委唔同, 單人都有機會選2房, 但就限制左唔準選3房

Evan109

綠置居根本冇大單位。最大只有36平方（4－5人單位）

leesiufung

謝謝各位高手的解說?。似乎1人綠表真的很難抽到大單位居屋。

可否這樣：母親公屋先加我一家四口的名（入息應會超標），加名時用公屋富戶名義。因我不想一家四口住進母親的1人公屋（不太可能住到吧），我在過了首輪資產審查後，要搬進去前即申請綠表，再用這家庭綠表抽家有者計劃居屋。

Woodymo

回應 #17 leesiufung

如果入息超額都已經加唔到名，點樣可以再用家座綠表抽居屋

hlce1317

leesiufung

回應  leesiufung

如果入息超額都已經加唔到名，點樣可以再用家座綠表抽居屋
Woodymo 發表於 2021-01-06 01:09:32 原文

用「公屋富戶政策」加名應該可以的，是嗎？