回應 kaedeho
我唔係雍明苑 不過屋苑入伙一定係咁嫁啦
裝修公司點搞 業主除非日日睇住 唔係點控制呢
不...
hereiset1993 發表於 2021-02-11 16:13:52 原文
不嬲都要管理處清?唔怪得咁多大型垃圾啦
我要強調,搞到今時今日咁樣,有三個party(房署、管理處、自私自利既業主)都要負責任
房署:
其實唔應該同一時間比晒所有業主入伙,應該分期入伙,因為同一時間咁多戶裝修同入伙一定會搞到烏煙瘴氣
但我估計佢預計會有咁既情況都要短時間內比大家入伙,係想大家新年前就可以住入新居
無奈佢D配套做得唔夠好
管理處:
個個屋邨屋苑都一樣,任何大型垃圾都一定係要業主自己掉落平台指定收集地方,屋苑清潔工人主要係負責清理每層垃圾桶車既垃圾,太大型既佢地係唔會搬,因為保險唔包,佢地搬完整親邊個負責??
但管理處監管不力,應該要嚴格票控違規亂掉垃圾既人,但奈何冇咁做,導致依家問題越黎越嚴重。
業主:
次次黎親都見到好多大型電器包裝、紙皮箱,連門都有幾隻就咁擺係Lift口
唔好話業主理唔到D裝修師父,D垃圾係你屋企掉出黎,邊個幫你掉都好,責任都係你度,同埋好肯定有D係業主自己掉出黎。
可能你依家住緊個度好好幫你掉,但幫你係人情,唔幫你係道理,人地做份清潔工要搵命同你搏? 成度門咁大你叫個清潔阿嬸一個人幫你搬走?
(呢翻說話係指向D自私自理既業主)
我相信有好多業主都係有公德心,唔係破壞者之一,但係希望大家明白事理多D,唔好將所有責任指向管理處。
依家件事有議員幫手跟,其實係改善緊,只不過垃圾實在太多,早幾日我上去見到一層既垃圾起碼用至少一個鐘清理,清完第二日其實又多返好多。
如果單靠原本清潔人手成年都清唔晒,係管理公司增聘人手處理,至於增聘人手D錢邊度出? 議員話唔會係管理費度出,但又話房署唔會肯負責任,管理公司自己食? 咁蝕底? 呢層真係唔知啦
大家次次上親去見到好多垃圾,或者好多日仲未清,其實自己可以計下數。
假設一層用一個鐘頭去清,但日頭有好多裝修師父做野唔可以鎖LIFT清垃圾,要夜晚7點先可以開工,但嘈音管制要夜晚10點前完工,即係每日得3個鐘內。
一座都廿幾層,你話要幾多日先清得晒?
利申:明知會烏煙瘴氣,新年之後先慢慢入伙。