我屋企都有冷凝水問題, 自己check過每逄周日周一地板都好凍, 有冷凝水,
但周二至周六都無, 因此相信係樓下星期六日放假長開冷氣導致
咁我就落過樓下單位撳門鐘詢問, 好好彩人地無當我玩門鐘放上網公審, 而係開門問我咩事
我如實陳述, 佢都俾我入去望一望個冷氣, 冷氣無向上吹, 但係風扇燈向咗上吹
![](images/smilies/default/036.gif)
然後佢將風扇燈向下吹, 個冷凝水問題... 減輕咗, 不過都仲係有
因為樓下個冷氣都開得好凍, 樓下要咁凍先舒適, 我又唔想改變人地生活習慣
本治唔到, 治標都好: 最後係去咗買抽濕機
買完後悔咗無早啲買, 唔止降咗濕度無咗冷凝水, 吹乾啲衫好好用, 尤其是連續下雨天