chunssse

剩返啲賣剩遮其實有原… 一樓個啲好易爆屎渠，爆一爆連客廳都係排泄物。要有心理準備。而且要長期關窗封露台，你哋睇吓啲影片會見到有對面單位嘅人。祥華邨應該最好嘅，不過如果有細路仔就煩啲，北區校網。同埋祥華邨同富亨之前都上過新聞，不過買得租置我諗都預咗年年比一大筆維護費。峰華翠林就係山上邊。除咗要日日搭小巴同比一大筆山坡維護費都ok。如果Work from Home /唔使做嘢都可以嘅。另外上星期去過翠林邨商場啲燈壞咗冇人整 扶手電梯就停埋 而且條村好多樓梯 成個死城咁。朗屏山景邨就元天屯比較遠。買之前記得睇埋同層有冇凶宅或者對邊望到個單位係咪凶宅。如果你冇信仰都OK嘅?有啲單位外牆都見到浸晒水。你預咗住年幾之後成屋都漏水。所以買之前嗰日最好請埋假去睇你心儀單位。

因為你買單位嘅時候冇得睇，但你賣單位既時候人哋問你要答。

利申：已選樓

chunssse

另外爆屎佢係我經歷過，啲門邊罅隙係洗唔甩，另外仲有勁多老鼠曱甴蛇蟲鼠蟻，真係請三思…..

fortesting

唔明點解到而家都冇人揀，呢條邨明明好方便，
但到今日為止，先合共賣出兩間。
啲人寧願揀 大埔，
要轉車...
MoonHeiYuet 發表於 2021-11-16 22:10:48 原文

無記錯幾年前祥華都爆左單天價集資維修

ddoddo

回應 #10 MoonHeiYuet

咁老實講北區配套同交通真係比其他區差小小不過啟鑽一房賣曬之後相信唔洗幾日300以上的租置都會好快清曬

chunssse

無記錯幾年前祥華都爆左單天價集資維修
fortesting 發表於 2021-11-16 22:25:34 原文

無記錯，個條係祥華邨。
你哋最好就睇埋嗰啲村嘅業主立案法團剩返嘅維修基金費用。
有啲直頭買文具每個月都四萬蚊。

ivyc51

唔明點解到而家都冇人揀，呢條邨明明好方便，
但到今日為止，先合共賣出兩間。
啲人寧願揀 大埔，
要轉車...
MoonHeiYuet 發表於 2021-11-16 22:10:48 原文

市區坐的士返屋企都平過入粉嶺

chunssse

回應  MoonHeiYuet

咁老實講北區配套同交通真係比其他區差小小不過啟鑽一房賣曬之後相信唔洗幾日300以上的...
ddoddo 發表於 2021-11-16 22:27:02 原文

仲有270尺嘅單位*800個，應該都間到一房。
最少唔自己住，幾年後賣出去時候就算綠表價都賺到首期！
（依家新樓綠表減依家賣緊個價錢）。

但係買租置問題單位不如公屋交幾倍租仲化算。
如果唔夠住仲可以申請大單位。
遇到問題單位又可以申請調遷。
如果意見不合又可以申請分戶。

如果唔驚買租置細單位嘅話其實有好多個單位都幾好囉，一定好過嗰啲賣剩蔗?
租置個版都有人貼咗啲漏水單位圖。

MoonHeiYuet

另外爆屎佢係我經歷過，啲門邊罅隙係洗唔甩，另外仲有勁多老鼠曱甴蛇蟲鼠蟻，真係請三思…..
chunssse 發表於 2021-11-16 22:21:48 原文

葵興邨2樓果間，有長者隊買咗，簡直勇氣可加 ?

佢房間窗口下面，就係大廈垃圾房門口，
成座樓的垃圾，都由果度運走，
仲要窗口同下面垃圾房，係冇簷篷相隔；

兼且全屋所有窗口，都在垃圾房門果邊，
就算全日關窗開冷氣，
你冷氣機都係抽垃圾房空氣入屋 ?

呢間都唔知佢地點住，只能祝佢好運 ??

Ling玲234

回應 #9 MoonHeiYuet

哦，原來如此，謝謝有心人分享

MoonHeiYuet

無記錯幾年前祥華都爆左單天價集資維修
fortesting 發表於 2021-11-16 22:25:34 原文

題外，祥華今次有兩間，特高樓底 舊長型，
走廊另一邊係商舖果啲，所以特高樓底。

---

而最原汁原味，係 長發邨俊發樓 9樓 新長型，
廚房廁所 瓦仔，仲係用緊原裝 6吋x6吋 細瓦仔，
只係地下同灶頭，原有紙皮石被打走，
換上綠色8吋快乾磚；

而廁所，因為要重新做過防水層關係，
近地下，有半行係新鋪 8吋白色瓦仔；

最估唔到，係連露台，都仲係油乳膠漆，
而唔好似其他回收單位，改鋪瓦仔。

前住戶，唔知點住廿幾年，都仲咁企理，
令房署有「本錢」，諗住賣就故意唔翻新。

---

呢幾間，值得去睇下相，平時冇咩機會見到