hitchcock352

恭喜, 牛上好方便, 常滿樓20單位向山,可能有蚊

hitchcock352

常滿樓20室向樂華邨小山輝華樓單車場慕光中學, 對住山景無樓遮檔空氣吾錯, 方向東南

距離山邊有幾十米遠,但都可能有蚊

常滿樓行人天橋通道10分鐘左右可行到九龍灣MTR站德福廣場, 落雨可以吾攞傘吾濕身就到九龍灣MTR站, 當然亦可以行花園大厦斜路到牛頭角站

xxxmartin

回應 #12 hitchcock352

我仲係心大心細，失眠左好多晚，雖然睇平面位置等，真係交通方便的，但私下去行過幾次去市政街市、牛頭角地鐵行上去（未有匙入屋），果條斜路真係好斜下，年紀開始老，可能會住到瓜柴，依家大熱天行都扯晒氣，再過多幾年日日咁樣一個人上落斜無人照顧，唔知邊日xx…究竟好唔好搏第二次？有機會派到下面第二期、或牛下果d一人單位？

hitchcock352

回應 #13 xxxmartin

再派牛下既機會不大啦, 或其他舊邨也可能. 其實你根本不需行斜路, 我講過一條行人天橋可直到九龍灣站, 尼條行人天橋同様可去街市不需經果條斜路.  

你去過常滿樓睇就係睇漏左條行人天橋通道去邊度, 你最好去睇多次條通道究竟點行再决定.

條天橋由常滿常逸經電梯落常榮樓到上邨平台,再撘一次電梯就到上邨地下廣場,超市、美心、7仔都係果度,再行两步就係街巿,

常滿、逸、悅3座D居民都係經尼條路上去而不需行斜路, 常滿落牛頭角站會快D,但返來就可九龍灣站經此通道上去舒服D,你去睇清楚先啦!!!


常滿氣咁好,樂華邨又有咁咁多休娱公園, 若要去政府診所覆診,牛頭角賽馬會診所就在常滿落斜路尾,五分鐘行到,返上常滿就可以行去常興樓經平台撘電梯上去,不需行斜路

hitchcock352

想多了, 不需行斜路返常滿架 , 空氣好夠清靜,比我就即刻要. 你未熟悉環境陌生令你擔心好正常, 但所擔心的未必無法轉變,亦未必存在

hitchcock352

回應 #13 xxxmartin

常滿、逸、悅3座有家福會支援獨居年長者服務架, 可打香港家庭福利會電話先認識社工, 可提供送飯陪診护士上門支援服務,

牛上邨竹園神召會長者服務中心社工亦可提供長者支援服務,有乜困難可有人問, 可入會參加活動, 有物品送架  两年前,該會送左張棉被比我老父,好感謝

常逸樓樓下老人中心,疫情前會提供獨居年長午餐既, 係一早搵D嬸嬸煑架,不過疫情好似停左

xxxmartin

住慣三順，人口密度無咁高，生活物價又比出面低，行落街起碼都算叫做有D空間，呢幾日去行牛上個位，一來天氣熱，行到邊都係人，D公園仔又高高底底細細忽(雖然都唔會去坐)......上樓外面又一大陣煙味.....天井又多垃圾有衣架都無可能晾到衫(舊屋一樣向東南無敵晾衫晾被位置好風好水)比較之下真係好難下決定到，大家比D意見我啦！
PS : (真係你講我先知有橋過牛下同德福，行左幾日都唔知 )

hitchcock352

回應 #17 xxxmartin

點解吾要求原邨調遷,為何要垮區?  抽中左和諧式一人單位就要面對天井問題啦,不合適就拒絕啦,其他人等住呢