oginome

回應 #10 2015May

其實我想知就算痴咗呢嚿嘢喺門口，冇佔用公共空間，對面住戶同房署可以用咩理由唔俾裝？佢點證明呢個係鏡頭？

2015May

回應 #11 oginome

唔係佔唔佔用公共空間問題，係唔可以拍到無必要嘅位置，如對面住戶投訴，房署有權上嚟查你安裝嘅係乜嘢嚟。除非隻電子眼細到同原來個防盜眼咁大留意唔到啫。咁就神不知鬼不覺。

oginome

回應 #12 2015May

絕對係佔唔佔用公共空間嘅問題，上次搞到上東張嗰單最後房署都係 charge 佢佔用公共空間，因為房署根本冇得 check 佢嗰嚿嘢係咩嚟，如果你話例如房署要收走部嘢又或者直頭拆你張咭拎返去睇，咁佢直頭惡過差佬，應該冇可能，如果你話房署真係好鍥而不捨咁追住你咬，咁唔知佢仲可以點玩。


你諗吓，上次上東張嗰單，佢擺明裝咗喺公共空間，房署都唔直接拆咗佢，更何況裝喺自己度門。



舉個例，你裝個假 cam，佢投訴你裝 cam，你話個 cam 假嘅或者壞嘅，咁佢可以點？除非佢證明倒係真嘢又 work 嘅，你唔洗證明係假或壞。

ceo222

回應 #2 kbedmond

我對面有人裝，但後來佢無裝了，我無投訴佢，但我有問佢好吾好用，佢話吾好用，只要有人企係門前面耐少少，就係咁通知你，有錄像，佢覺得好煩?，公屋吾同私樓，走廊闊，又吾係門對門

ceo222

回應 #11 oginome

你痴歪D試下，一般都吾去太大影響人，不過房屋署做吾做野每條邨手法不同，如果佢有心針對你，你乜理由佢都針住你，衣家房署吾同以前，佢判比人做，吾使自己上身，查資產，查屋都係呢班人做，其實有心玩，佢咪同住戶玩扣分，都吾使講咁多，佢一出信玩，就睇下夠吾夠膽博扣滿分?，之前都有人講過衣家D邨裡面D職員態度差，因為佢地都吾係公務員，係外判商

kbedmond

回應 #11 oginome

對的，係萬能淘宝買啲最细的，講明是蔽露攝像鏡(眼仔)，装係鐵閘與木門之間对住自己門口走廊，你唔講鬼知咩。

kbedmond

回應 #14 ceo222

佢作用就是有人企係你門口耐少少就會錄像，其實可以設定的，鄰居唔識用的。用來睇門口，去咗街或係屋企入面都安心咗。

ahpoohmo

北區樂少

其實路就自己揀既，pk就無得怪人，想挑戰公屋扣分制咪試下裝囉，之前東張都播過一單野就係裝左類似既鏡頭房署出埋警告信都唔理，結果要叮走佢先黎驚！我就買定包花生等睇楼主表演

oginome

回應 #15 ceo222

我唔係住公屋，只係討論吓呢種情形房署可以點玩，好似上次東張嗰單，條友用啲大大隻 cam 掛幾個出走廊，房署都只係 charge 佢佔用公共空間。

貼個嘢喺門口，冇佔用公共空間，佢又證明唔倒係鏡頭，更加證明唔倒有錄影或可錄影，真係諗唔倒可以點出信扣分，當然如果如你所說外判嘅會時時刻刻爛仔一樣嚟噴紅字咁滯煩到嘔，怕惹麻煩怕嘥時間就無謂搞呢啲嘢，咁就唔係房署規例同法律問題，係做人處世取捨。