建議繼續住公屋，單人2萬幾供樓有點危險，加上各種衣食住行雜費，真係只可以講剛剛好，唔會有多餘錢再可以做其他長期性供款，例如小朋友興趣班等。建議將畢錢投資係兩位小朋友身上，佢地先係未來。唔需要供樓可以有更多資金去充實生活質素，定期同小朋友去下旅行，百聞不如一見，令小朋友可以擴闊視野。
儲多點錢，而家社會你會發現小朋友身邊大部分同學仔都至少4-5樣興趣班，好多未返幼稚園已經報緊N班學緊一堆野。
如果你唔想自己小朋友落後人地，年年做成績墊底果堆，將來無競爭力要打份牛公，從細開始打底好重要，幼稚園同一班有小朋友已經識自己讀睇英文圖書，有小朋友先開始學ABC。中學之前有無讀興趣班個底子係可以相差好遠，除非家長自己識教書就可以屋企自己學。
將來兩位小朋友成績好，有能力搵到人工高嘅工，打工識到另一半都係差唔多等級嘅人，將來兩位小朋友可以有能力同另一半買到更大嘅屋。
