ineedhouse

回應 #5 worldcat

我都記得係公屋家庭成員轉做資助自置居所業主，唔係公屋租戶先可以做業主
但租約內所有人都要係申請表內，亦要屋邨辦事處確認，換言之係可以轉其他家庭成員做業主，但都要先經公屋租戶同意由佢拎俾屋邨辦事處確認

ineedhouse

回應 #9 安居62

補埋地價，即係政府41折賣俾你，你俾埋果59%地價，就可以成為完全業主啦
但基本上無幾個會補，補地價果59%都夠俾多間首期

MoonHeiYuet

回應 #11 ineedhouse

唔搞都咁複雜住，
呢度講不參加家有長者為列：

的確係戶籍內，任何18歲以上的住戶，
均有綠表資格，可申請 居屋/綠置居。

是否戶主做申請人都好，
所有租約上的住戶，均需表列在申請表上，
承諾成功購得單位後，會交會公屋及一齊住。

由於租約上所有住戶都需要簽名同意，
亦即如非戶主做申請人（將來的業主），
戶主已簽名同意及承諾，
該非戶主購得單位後，會替佢交還公屋同繼續一齊住。
（呢個係售樓處主任解釋）

不過呢種情況，由於揀樓只需申請人出席，
戶主出唔出席都好，
同樣無法反對，申請人揀選邊個單位。
但申請人揀了單位後，
即使戶主係唔同意佢買果個單位，
收樓後，都會追戶主交還該公屋單位，
呢個係允許非戶主做申請人的缺陷。

另外，一般情況下，
只有申請人的配偶及子女，
會獲准加入該居屋/綠置居戶籍，
只係冇乜人理或有留意，
諗住買咗係自己嘅，乜人住都得。

我有朋友，就係因為呢個原因，
佢兩人公屋，老豆係戶主，
佢結婚後，想跟規矩加老婆入戶籍，
所以佢老豆都同意由佢做申請人，
不過應該相對少人咁做，
佢第一次樓下邨辦交表時，
主任都要入去問過人，先對資料收佢份表，
第二年再交時，主任都好似仲對佢有啲印象咁。

另外：
非申請人及其配偶，是可以重新申請公屋；而核心家庭成員，除非結婚等特別情況，並獲批准，否則需兩年後，方可在該居屋/綠置居除名。

MYLOVEHOUSE

回應 #9 安居62

下, 禁米姐係拿200萬出來買公屋? 點解另一半是政府?

MoonHeiYuet

回應 #14 MYLOVEHOUSE

因為你未補地價，房委會幾多折賣給你，
即係你得幾多成業權。

例如市價41折賣間綠置居給你，
你只持有41%業權，另外59%仍是房委會持有。

Teruhing302

回應 #6 worldcat

請問綠表/綠核有什麼分別？姐姐做業主 爸爸70了 有可能排優先揀樓？

MoonHeiYuet

回應 #16 Teruhing302

綠表沒分 核心、非核心

爸爸是戶主，姐姐做申請人：沒問題

爸爸70歲，申請報剔選參加 家有長者優先選樓，會獲得兩個申請編號，一個長者隊的編號，加上一個一般家庭隊的申請編號。

長者隊有1400優先選樓配額，
如有關尚未用盡，就到你們揀樓，
就用長者隊個編號去選樓，
姐姐與爸爸需同時出席去選樓，
而且姐姐與爸爸，必須同時成為單位的聯名業主，俗稱 長命契，要等爸爸百年歸老，才會約爸爸的一半業權，自動轉給姐姐。

若長者隊1400優先選樓配額已用盡，
你們仍有機會，在家庭隊選樓時，
輪到你們時，用家庭隊個編號選樓，
這情況，就只需姐姐一人做業主，爸爸亦無需出席去選樓。

交申請表，無需爸爸出現，但需預備其身份證副本，以及租約，給主任核對資料；

簽名方面，你一係老實寄速遞上大陸，叫佢簽完，再寄返速遞落香港；一係你自己諗辦法，簽到佢個名落申請表上面。

samuelwong818

MYLOVEHOUSE

回應 #15 MoonHeiYuet

下...禁米姐係用一部份錢買...其實間綠置唔係屬於自己??
禁買來其實有咩意思, 定係抽居屋比較化算....

MoonHeiYuet

回應 #19 MYLOVEHOUSE

又唔可能話唔屬於自己，只係唔足業權，你有完全掌控同佔有果個單位的權利。

居屋都係一樣，無論綠表定白表，只要你一日未補地價，你一日都係得你買果時幾多折的業權。