回應 #19 飛faiyu772
我揾13k 每月4k 家用， 唔包食 ，只包水電煤WiFi， 廁紙洗衫，加上 老豆嘅定義就係當交租 ，我諗你都了解我背後嘅故事同埋遭遇
繼續輪正常公屋，短期內又唔係非買不可，等到有多啲$$自然有更多選擇權。
如果等正常起碼十年以上恐怕等唔到
我係屋企度係冇名㗎，阿爸就係租置計劃嘅業主 而且媽媽和弟弟係有名嘅認可家庭成員，
換句話我租同買都冇得加名就即係收皮，
所以我細佬咪蝦我囉話我係外人冇資格出錢，
佢控制咗間屋嘅話事權，佢話如果我背後畀錢我老豆供樓費就去房屋署度加名便父子業權，
咁老豆之前張平安紙就變垃圾廢紙，
阿爸話27年供滿咗，賣咗個分四份，畀返其中一分我，因為我知道如果我阿爸死咗我細佬成日都要曬做巨無霸，佢會報警更換門鎖，佢會驅趕我走，雖然係有平安紙，我細佬會話我唔畀錢冇貢獻，佢話賣先有錢分，唔賣有權趕我走，就算我畀返錢佢(即係嗰十年嘅供樓費用)佢都唔要唔稀罕，佢嘅目標係要做巨無霸食曬成間屋
佢大把錢高收入佢可以搵律師打甩我嗰一半業權，我唔想一無所有又住劏房，我就當假設真係有特快長者公屋住，馬死落地下同人住係好矛盾，頂住當先，所以咪買二手租置屋，呢個係最快捷最平嘅方法，當然要有特快長者屋都好難，呢個純粹都係一個假設，有呢一步先至再行下一步
姻緣和買樓並無直接關係，退一步想．．
做個快樂單身的公屋租戶，不是更輕鬆嗎？
我注定冇姻緣呢個我講咗
sorry
*有時間不妨問自己：
A。點解一定要孭債？
B。為什麼寧願倒貼都堅持要買？
我而家都好矛盾仲未諗得通好似有啲吃力不討，
耐心掙扎咗好久，好似畀我細佬折磨咁
如果有錯可以指正，你鬧我都冇所謂，想有人點醒我我都喺度經常性思索人生如何走落去
生存都只係一個迷途嘅悲劇
有陣時我都好想了結自己本留言最後由 carol2357 於 2024-08-27 12:42:51 編輯
