香港公營房屋討論區
主頁 » 資助出售房屋 » 租者置其屋 » 市民建議重推租置計劃
頁尾 帖尾 顯示所有留言 搜索某用戶之留言 回帖 在本分區發新帖 搜索本分區 搜索 支持鍵盤翻頁

回應 #4 SLLAM

無咩可能,之前留低SO 州屎到而家都搞唔掂
分享 分享 讚好人數:1查看名單


『利』字當頭啦都係, 叫得重推租置, 都係有利益者推動。 趁住政府話財赤, 賣公屋做租置可增加收入! (呢句口號)
第1步, 政府又要嘔多舊錢出黎比房署做執漏維修, 令住戶滿意先可成功出售!  所以呢步係, 未見官先打五十大板!   個收入起碼要2-3年先出效果! (遠水救唔到近火)
第2, 叫得重推租置, 即係公屋户買返自己個單位, 問心果句, 唔係派到筍盤 (高層/較新/近鐵路方便), 户主會肯買 (一係怕成富户交雙租,一係被查超資產趕走), 呢個經濟時勢仲肯比首期同供樓, 不如放銀行收息穩賺!
如果公屋住戶甘想置業, 唔買居屋/綠置, 甚至私樓!  明顯係有利可圖~   不如拎條蝴蝶邨出黎做租置, 睇下反應幾好先講啦~ 本留言最後由 JW1229 於 2025-01-13 10:59:23 編輯
擴3, G1450
7/2022 轉新3
31/8 見主任, 21/9收合格信S2
分享 分享 讚好人數:1查看名單


回應 #12 JW1229

一般嚟講,住公屋十年以上,收入普通,又對公屋政策有了解嘅話,都應該會買租置。因為居屋/綠置已經算貴,私樓就更貴。如果住戶有100萬積蓄,買間租置已經可以一炮過。揸住100萬住公屋,咪話收利息一年4萬,就算只計份工嘅收入,超資都係好快嘅事,都係買租置好。
分享 分享 讚好人數:0查看名單


回應 #10 神安飛瀑

煩請畀多啲資料我睇,點樣未成立法團,房委會就要負責畀維修費?如果啲業主唔成立法團就可以免付維修費,咁永遠都唔成立法團咪永遠唔使付?成件事聽落去好奇怪。
另外,公屋平均建造成本一間100萬。如果賣3000蚊一呎,咁起一間450呎嘅,賣價就可以係135萬,已經比平均成本價高出唔少。
分享 分享 讚好人數:0查看名單


恕我主觀,我覺得因為大量出售租置屋會影響炒樓佬同收租佬嘅既得利益,所以佢哋總係會製造輿論阻止呢啲提議。正如啲環保L以環保為理由反對建屋一樣。
分享 分享 讚好人數:0查看名單


回應 #11 cheongapple

That's the point  
根本只應該將更多新建公屋規格樓宇攞出嚟賣,而唔應該將已經入咗伙嘅租住屋邨推行租置
瀑灣讀書十二年
分享 分享 讚好人數:0查看名單


回應 #16 神安飛瀑

我認為資助房屋應該盡量做到助人脫貧。如果只賣新建房屋(即綠置居),咁售價一定至少100萬,因為要包得到建造成本。咁樣就唔係太做得到助人脫貧:雖然計總資產嚟講,嗰個買咗綠置嘅住戶係唔算少,但佢大部份資產係放咗落間屋,於是可供平日使用嘅流動資產就太少。因此,如果容許佢買陳年租置屋,用30萬就可以買到,咁就等於佢有多啲流動資產可用,手頭無咁緊。
分享 分享 讚好人數:0查看名單


回應 #13 SLLAM

「一般嚟講……都應該會買租置……」會買租置嗰啲買咗嘅啦 剩低啲剩蔗,譬如山景邨,銷極銷唔晒,喺嗰啲屋邨未去到差唔多賣晒嘅程度,都唔好再提出重推舊樓作租置
「超資都係好快嘅事」:為減緩超資進程,啲公屋戶變得「豪洗」,幫補香港經濟
瀑灣讀書十二年
分享 分享 讚好人數:0查看名單


回應 #14 SLLAM
畀多啲資料我睇,點樣未成立法團,房委會就要負責畀維修費?
活生生嘅例子:啟鑽苑,之所以倉猝要成立業主立案法團就係房署想將個波拋畀人,你睇下荃灣電視個時事節目?油管片個comment就有講天頌苑至今未有法團嘅情況
公屋平均建造成本一間100萬


佢係講緊二百幾三百呎嘅公屋建造成本一間100萬啊,呎價3000蚊?蝕硬! 公屋售價$4000就差唔多,參考錦柏苑17.1平方米賣$753,900,換算大約就係呢個數
瀑灣讀書十二年
分享 分享 讚好人數:0查看名單


回應 #15 SLLAM

恕我主觀,我覺得因為大量出售租置屋會影響炒樓佬同收租佬嘅既得利益,所以佢哋總係會製造輿論阻止呢啲提議。正如啲環保L以環保為理由反對建屋一樣。

恕我主觀,我覺得因為擱置租置屋會影響公屋富戶嘅既得利益,所以佢哋總係會製造輿論嚟要求重推租置,等房署冇得因為入息/資產超額嚟收返間屋畀有需要嘅市民。正如啲黃賭毒會以自身理由反對警察巡街票控一樣
瀑灣讀書十二年
分享 分享 讚好人數:1查看名單

頁首 帖首 在本分區發新帖 曾訪分區 支持鍵盤翻頁
重要提示:為免用戶蒙受損失及為公平起見, 一律嚴禁透露商戶或裝修師傅資料, 違者會被警告, 嚴重者將被禁言甚至禁訪本討論區, 敬請合作。 (詳情) (用戶守則)
抱歉! 你無權回帖。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁

公屋申請速報系統 X
分區表  登記 登錄 頁首 回帖 搜索 頁尾 在本分區發新帖