賈定珍

原帖由 kenny 於 2009-3-3 23:42 發表
會吾會係...........

http://failforum.net/forum/viewthread.php?action=printable&tid=362969

poo_law

比kenny笑死~

賈定珍

原帖由 poo_law 於 2009-3-4 00:57 發表
比kenny笑死~

baby, 你都知我地講講下實離題架啦.  你睇緊個時唔係飲緊汽水啩

亞力山大帝

原帖由 灣仔小子 於 2009-3-3 01:01 發表
阿卓，我忍受樓上耷野鑽野嘈音足足半年，本來由以為樓上戶主自行裝修，工程慢D我都接受；但經過半年來我樓上單位由上午準時九點開始耷野鑽野，嘈到我無覺好訓。
我懷疑樓上從事一D廢物回收拆卸工作，因為一開始耷野鑽野就幾個人 ...

你成半年都忍到啦，都唔爭在啦，你都慣架啦！

嘈足半年你都唔出聲，至到而家都仲問緊報警好唔好，咁仲唔係已經習慣晒咩？

上次已經叫你報警架啦！唔好怕事啦，快d報警啦，唔好靠管理處啦，靠自己啦！

賈定珍

原帖由 亞力山大帝 於 2009-3-4 09:17 發表


你成半年都忍到啦，都唔爭在啦，你都慣架啦！

嘈足半年你都唔出聲，至到而家都仲問緊報警好唔好，咁仲唔係已經習慣晒咩？

上次已經叫你報警架啦！唔好怕事啦，快d報警啦，唔好靠管理處啦，靠自己啦！ ...

係囉, 大帝呀大帝, 小子講到嘈成咁, 你屋企無理由聽唔到架, 如果你屋企聽唔到, 咁又好似真係嘈極有限wo

除非真係學kenny咁講有........  不如你有機會幫佢搵下源頭啦, 如果萬一真係......咁真係邊個都幫唔到佢wo

灣仔小子

住我樓上既係34樓，大帝住38樓另一方向，點會聽到！不如試下叫大帝留意下佢樓上幾時開始裝修，果種嘈法真係難以形容！

ling_ha

我都一樣受呢d困擾半年!!!!
足足半年!!!
晚晚7點幾8點開始嘈!!!!嘈到半夜2點先收手!!!
真係唔得佢死!!
開頭諗住佢自己裝修...可能要等收工等放假自己郁手做
所以....幾個月都可以接受
但係...大佬ar......家下半年la
我平時點幾年點sin訓
有時11,12點極眼訓想訓...都會突然比佢d"啪" "嘭"嚇到醒左

已多次同保安投訴...警又報過...
但警察都係建議我地搵保安
因為行到上黎分分鐘樓上都嘈完
而保安今晚建議我以後7點鐘後聽到嘈都可以投訴
因為佢地能力上只可拍門叫樓上唔好再發出噪音...
但過左十一點佢地又唔可以亂拍門
仲要次次上親樓都同我講聽唔到聲所以唔拍門
咁死得la....佢d聲嘈唔到出面...但嘈到樓下...
我地真係想捉都捉唔到...
好慘ar><

我樓上係有進化ga
9月-10月 ~ 鑽野
11月-12月 ~ 鑽野+鋸野
1月-依家 ~ 搬野+"dun"野+跌縲絲+開機械聲

[ 本帖最後由 ling_ha 於 2009-3-4 23:53 編輯 ]

賈定珍

話雖人地住另一邊, 不過都只係一個轉角兼同你差個幾層, 你講到嘈成咁人地無理由聽唔到, 就算大帝真係聽唔到唔緊要.  不過都無理由淨係你o係人地樓下先覺得嘈, 住佢同層隔離單位就唔覺得嘈. 你既然夠膽自己上去拍門, 咁不如去問埋樓上隔離個單位住戶聽唔聽到啦.

其實諗諗下唔知你樓上住緊既係唔係聾既, 所以你拍極門都聽唔到呢

[ 本帖最後由 賈定珍 於 2009-3-5 09:31 編輯 ]

卓_彩盈

我幫你同經理講下
如果真係有問題，我會跟進

灣仔小子

多謝阿卓幫手！我樓上單位係3406室~~~~

[ 本帖最後由 灣仔小子 於 2009-3-6 02:02 編輯 ]