講得無錯,從技術層面上可以符合騙局定義,
而從本質/核心層面上,房署/房委會則絶對可以稱得上攪出個大頭彿,正一係自作孽.
打從自02/03年"佢哋"眼見單身人仕申請公屋在數字上有上升壓力,就攪咗配額計分制出黎,
10年以來,呢個配額計分制未能令相關人仕知難而退,返而引來越來越多"非長者"入紙申請.....
(近呢一兩年每月平均有過仟宗"非長者"入紙申請獲發"藍卡",真係要頒發番一個什麼HKXX傑出巿場策劃奬給房署/房委會!)
情況一:
最大問題係呢個配額計分制計咗10年計到今天已經計無可計,爆煲了!
以新界配房為例分數最高試過160分,以一個55歲入紙的非長者申請者為例,他們/她們的"起跑線"為111分,
160分減111分,等於要等49個月/4年零一個月,但49個月後他們/她們已經等到59歲了,那麼他們/她們會出現橫跨兩個年齡組別的情況---高齡單身長者.(高齡單身長者58歲都係等1.7年左右,係"佢哋話架"真假就真係哋先至知),
情況二:
10年來所累積非長者數字超過13萬,而50至55歲非長者組別估計過萬(高齡單身長者現在都超過9仟人),每年2仟個配額,而且年齡超過50歲非長者申請者數字上陸續有黎,有增冇減[估計佢哋有唔少係來自離婚人仕).
每年企硬2仟個配額情況下,(來年2仟2佰個)房委會內一眾高人喺無"啫"無扇,神仙難變之情況下,10年後的今天配額計分制終極結果可以用牙簽"撩"牙黎形容,把所有/13萬非長者單身人仕申請者做出前燎後燎,左撩右撩,撩來撩去的極不付責任行為,撩到一眾非長者人仕出血死人為止---新配額計分制!!!
說也奇怪,,"佢哋"早排日講夜講前5年新建的公屋由1萬5仟個,增至後5年增建多5仟個至2萬個新公屋,5年10萬個公屋云云....
2仟2佰個單身公屋與2萬個"總供應量"相比,嘩!單身人仕獲編配公屋的佰分比首次超越家庭組別申請者,CY梁真係好照顧/好關懷我哋非長者單身人仕囉!我覺得.....
仲奇怪的就係:CY梁在首份屍政報告話後5年新公屋落成量會俾而家多岀5仟個,即新增/新建5仟個公屋,供2萬個新建公屋,但嗰時都未成立長策會,當長策會完成討論後就話,係呀!係呀!長策會話未來十年公屋20萬個,總無應量約每年2萬個,您哋條數點計出黎架,同CY條數一能/一鳩樣既?唔通CY係天上既神,會未卜先知???
另外長策會曾提及非長者申請者條數有好大水份,踢番比房署/房委會,房署/房委會又話加多2佰個,加多2佰個呢條數又係點計出黎,明年會未上樓先發信審查踢走水份,但水份踢走幾多人都未知,就加多2佰個.....負責任還是不負責任,大家自行判斷吧!
最後都係嗰句!其實佢哋成班友根本就心知肚明,配額計分制隨着時間增長,只會越磡越磡深....只不過宜家風頭火勢,此時此刻您一句房屋呀!我又一句房屋呀!唔好意思講個真相出來罷了!
最多再過7年,少則5年,配額計分制定必斬纜收場!在某一個年齡或以下的非長者除非恩恤,否則不接受申請......
