|
心情動態：
來自麗翠苑(綠) |
同意 機會只有一次 終身放棄公屋資格 即沒有回頭路 師兄似乎係同邨人士  講得無錯，對於有錢既富戶黎講，佢地一定考慮更高質素既居屋同三房單位，而對於普通既公屋戶黎講，其實用200幾300萬黎買樓係一個重大決定黎，畢竟一生人只有一次機會，無得返轉頭，而且家庭的話，會全家一齊無曬呢個褔利，因此考慮因素要好大 如果2人或以上家庭，如果有打算生bb或者改善環境，基本上都一定係2房或以上，綠置居如果以2房－3房做建屋標準可能都吸引到人，但係唔好話開放式果d，就算係1房，咁樣交出去換真係值咩？ 如果單身綠表，假如該人士係想組織家庭，我都深信佢係希望可以揀2房既，因為始終2房係家庭既基本需要，如果單身綠表係無意結婚的話，其實諗深一層，佢有需要買屋咩？因為就算買最平既單位100萬，月供都要4-5千，但其實就算新既單人單位，基本上只係800幾左右一個月，如果唔結婚既話，基本上佢交單人公屋租金，多出黎既錢用黎儲黎投資又好，自用又好，都比供層樓好。 其實今次選擇上要小心既係，好多人都會誤會咗個面積，例如今次綠置居既面積，其實494呎只不過係平時公屋既2房409呎，而聲稱400呎既單位其實只係公屋1房既330呎，最怕有人諗住自己住緊300呎，見到有400呎既1房，或者住緊400呎2房，見到有494呎既2房以為真係大咗，其實係一樣架。 另外亦要回應一下樓主講既主題，景泰苑vs譽港灣，首先呢個基本已經唔係一個比較黎，私樓對公屋，仲要係搵私樓中屬高級果種去對比已經係大錯。上面其實已經有師兄指出過，首先要理解一下個概念，綠置居唔係真係94-298萬賣曬個業權俾你，只係佔6成，以2房計，綠置居其實個價係500萬，而譽港灣係580萬，一個有會所，有管理，有停車場，有私人平台園景，送裝修既屋苑，同一座單幢式既公屋就係只差80萬？大家如果心水清既話，佢既裝修已經追返呢80萬既差距，環境上，譽港灣呢類平台式設計既樓，本來就有助改善低層戶既空氣質素影響，種種外內軟硬件既因素，譽港灣都完全優於景泰苑，係完全無得比果種。 |
||
|
|
|||
