andycym

條例寫就咁寫,但執行鬆定緊應該係睇邨辦。
投訴咗咁多次,告示又貼過,學原po講管理員巡樓都唔理。而且貼揮春...
WINKYCHAN 發表於 2017-08-10 19:59:04 原文

我由最舊嘅屋邨，容許喺門口放天官及土地嘅，以至門楣貼出入平安嘅都住過，到依家新落成嘅屋邨，條例執得稍嚴，都唔覺有乜嘢問題，揮春，貼室內都ok呀。

hahalkh

debbyfung1015

我以家派去老人村夠好多都貼啦,有日仲見到拎埋張台成家出去公家地方傾計,食下野,涼下風
就算新屋嚴,大家日見夜見唔洗夠到咁囉
老人村係好多野都未必跟足.垃圾都係擺係門前好多都係
但人地都唔會咩都投訴
其實有時我見到D人咩都投訴,係唔係因為個D人唔係住公屋大?

陽立英

個的人咁巴糞拜丶以為整層樓是佢架

andycym

我以家派去老人村夠好多都貼啦,有日仲見到拎埋張台成家出去公家地方傾計,食下野,涼下風
就算新屋嚴,大家日...
debbyfung1015 發表於 2017-08-10 21:34:01 原文

你講嘅係事實，我父母住嗰度係較舊嘅屋邨，有學人貼出入平安喺門楣，大家都相安無事，但新屋邨又有新嘅規例，係大家應該多了解嘅。

你係比較清楚投訴人呢件事嘅，相信你曾留意到其實之前有人po過一兩次貼，係話佢時常放鞋喺門口，之後見投訴人po貼話投訴佢放垃圾，他順帶查問貼揮春一事。

我意思祇係覺得即使係投訴咗，唔等於涉嫌違規者一定會受到嚴厲懲罰或傷害，因為投訴係一個基制，須經過有關當局查核，勸喻不聽，警告無效等程序後，才可能定罪及扣分，亦不等於即時會被勒令遷出。

如果在投訴前，像你這樣作出規勸是合理的，但見到有些評論好像為當事人抱打不平，說樓主對人不對事，做人不該這樣，可是另一方面卻盡情數落樓主，在FB更是罵得非常過份就有點奇怪了，他們自己的做人態度有雙重標準啊，又可能以後有問題都無人會投訴。

Hopeshuito

回應 #16 andycym

debbyfung1015

你講嘅係事實，我父母住嗰度係較舊嘅屋邨，有學人貼出入平安喺門楣，大家都相安無事，但新屋邨又有新嘅規...
andycym 發表於 2017-08-10 22:12:42 原文

第一 但係我覺得根主可以先同對方傾下先,因為大家都係住個到,就算關係打唔好,都唔洗去到敵對關係
第二 樓主咁樣POST埋戶主門牌上論壇真係過火左,如果樓主有一日做左D事
人地接受唔到係綱上見到自己門牌,ID,電話因為一D事比人POST上綱又感覺如何?
第三 如果樓主冇心攪大件事,其實就咁詢問,每個屋村都有屋村職員去詢問就可以,唔洗去到E-MAILL政府部門
同埋唔洗打1823好嘢，乜Q都得，我愛你,比人感覺咩都投訴
第四  人同人關係,係唔係要郁下去到講法律,加上以家攪到東綱都上埋有曬門牌,難講會唔會執正黎做比人真係扣分

我個人覺得大部份人話樓主,係因為如果大家調轉諗,你住個個地方,有一戶好多事就投訴,如果個個人係自己會點?
同埋以我所知水仔唔係入左伙好耐,有D人生活習慣唔係一時三刻轉變到唔奇,有時大家同住一個地方
何不小事化了呢?

香港住以經咁難,一戶得個16分,如果真係樣樣都執正黎做,呢到扣下個到扣下,真係分分鐘屋都冇得住

正如我地日常生活,有邊個夠膽講每一件事都跟足法律去做

WINKYCHAN

回應 #25 andycym
轉載咗去fb嘅公開留言唔講,cy谷友意見上會有轉變其實可以理解,最初原po針對嘅的確係鞋同垃圾,咁明顯違規同真係會影響到居住環境,大家都好贊成原po投訴,但當後期原po去到隔日又行落兩層樓望,然後佢"揮春都打1823"/公然出相影人門牌,實在係好難令唔質疑佢已經由對事轉而針對呢戶人家,可能有日樓主落樓撞到屋主路過都覺佢面目可憎<<谷友只係覺得"後期"有冇需要搞到鄰里之間互相投訴互相針對,並唔係咩雙重標準。大家有投訴嘅權利,承如你所講投訴後房署有房署嘅程序同做法,真係覺得有問題係可以投訴,但投訴完後喺呢件事上係咪有需要緊釘住呢一戶?下次po主再落兩層樓,如果發現第二家人又疑似違規,於是又投訴又跟進,街坊係咪要做到咁呢?大家都只係將心比己,無論係垃圾蟲又好投訴王都好,大家係咪想唔想要個咁嘅鄰居?
唔想,做返好自己,明知違規就唔好做;另一方面,做人都唔好太執着。

steve777

唔影響到人就其實問題不大......都係鄰居和睦啫........

debbyfung1015

回應  andycym
轉載咗去fb嘅公開留言唔講,cy谷友意見上會有轉變其實可以理解,最初原po針對嘅的確係鞋同垃...
WINKYCHAN 發表於 2017-08-10 22:40:51 原文

行落兩層樓望 其實佢係唔係好悶....