|
心情動態：
來自彩興苑 |
其實關於借唔借盡呢個問題好睇個人財務狀況, 銀行職員勸你有錢應該放係自己度唔好交俾銀行某程度上係岩, 但佢既出發點係為左銀行貸款額多過以用家出發點黎諗, 試想想假設你有多100萬做首期, 你借埋呢100萬佢都只係俾你放1半係高息戶口(即50萬), 咁另外50萬點算呢? 即係留係身邊做應急錢, 冇野好做, 你多出黎呢50萬如果去投資既話, 係有風險的, 首先你要賺到年息2.15厘先可以同銀行打和, 如果加息環境下你既回報要更進取先追到, 另外如果你唔借盡快d供完層樓, 你唔會再有利息支出同埋唔使再供款, 咁你既生活就會盡快回到你住公屋時既狀態, 其實地租管理費同差餉加加埋埋同俾公屋租金差唔多, 就算多都唔會差太遠. 我既諗法就係要盡快供完佢, 當然個供款比例要好好調教唔好令自己有太大壓力, 理論上頭幾年係會比較辛苦, 但如果香港經濟沒大衰退的話, 只要加多幾年人工, 你既供款壓力會越來越輕鬆.... 同埋而家有安老按揭, 到你供滿層樓又到60歲時可以按番出黎,變成每月既收入, 咁你今日投入既錢將來就可以回報番俾你, 所以我認為如果有能力俾首期的話應該俾, 當評估完自己既現金流後做得既就盡量做, 千企唔好俾銀行職員打亂自己計劃, 以上係我小小個人意見
|
||
|
|
|||
