((( 一兩箱係無用的 )))
我買左3轉碳,前後約50KG,每次頭一個月到係okay的,你會件睇到甲醛值會跌,但係之後會因為飽和關係,反造成釋放源頭,如果係裝修完趕入伙的話
(1)建議找除甲醛公司,但係除完之後甲醛仍然會係木入面散出黎
(2)小米/其他牌子的具甲醛淨化的情新機,就算有碳成份,去除能力仍非常有限
(3)負離子可以裝修淨化味道,但作用都係有限
總結:
都係通風,如果有對流扯風的話,絕對性壓倒優勢
一般室內甲醛值上限
0.08mg/m3 或 0.1ppm
我間屋今年2月裝修完成,現在因事仲未入去住。逢周末返去開窗,其他時間大細房各開一隻雞亦窗,每日開廁所抽氣扇約16小時,今日個數值仍然貼近安全值,達0.078 mg/m3. 返屋企一開晒窗門,數值跌到0.02 ~ 0.03 mg/m3,即係室外正常值。
另外,建議如果你著緊甲醛的話,去淘寶買個電子甲醛測試器,最好係可以遙控讀數,約RMB$800,當然都係不能與專業級數的測試儀比較,但起碼你係睇到個數值而唔係去聞個味道。
此外,甲醛會因溫度,濕度,對流,木製傢俱數量及木料 而有變。
隨咗甲醛,大家亦要留意TVOC呀!!
希望幫到大家