矇查查888

其實樓主想表達咩，私樓比公屋好？，有錢買私樓，甘住公屋既又關咩事？上一代住最差既7層大厦公共浴室，厠所，係走廊放爐煮飯都可以養活下一代，健健康康啦，時代進步，改善設計也不斷改善啦，舊式公屋會被住屋改革慢慢回收啦，就算依家住緊既，係沙士時期，現在疫情，有問題既真的關事比例也很少，無謂也無需無限放大，樓主真係甘擔心，真係全港公屋，居屋你都吾好要，政府出品既一定有問題，無問題都一定會被挑出問題來，住左好易精神崩潰

biggesthell

回應 #5 laupakyin

我係後生一代，時代嘅變遷我未必全有體驗，
但係我阿婆以前就係住舊公屋，我同阿婆關係唔錯，大時大節仲會留宿。可惜有一日，個廁所天花旁嘅 U 型去水位突然變花灑，嗰陣我好細個，唔知發生咩事，只知好驚好驚，驚到喊，好無助。
嗰個爆渠事件奪去咗我係阿婆單位嘅僅餘快樂，後尾嗰奪命污水花灑過咗成粒鐘停咗，依稀記得阿婆要同樓上溝通，先知原來嗰渠俾樓上人家隊穿咗，要搵房署維修，唔記得咗搞咗幾多日喇。
自嗰次之後，我對嗰個廁所有恐懼感，驚到發抖，唔敢再自己入去，就算急事，每次都要搵阿婆陪我先敢入去，呢個記憶直到十幾年後我仲記得好清楚，好恐怖。

因幾日前恒江樓發生類似嘅事，令我諗返起呢件恐懼嘅事，諗起都仲眼濕濕，不過恒江樓嗰個事主更加唔好彩，佢中咗腐蝕性液體，皮膚及眼角都傷咗。原來世上其中一樣最可怕嘅嘢，就係舊公屋嘅廁所。

唐樓啲渠全部在外牆，雖然某啲渠與渠之間係開放式，塞咗會滿水溢出，不過都係對路人可能係威脅，對單位住戶威脅無舊公屋咁大，污水倒流機會都較低，因樓層少污水水壓低。

飛faiyu772

有個國啱你住。天國
pkp 發表於 2020-09-25 02:34:12 原文

NO！天國亦有門檻，唔係任何靈魂都收。

chiwing64

買居屋，粉嶺五千幾元一呎。

Mingtse

千幾至幾千蚊月租 仲想點呢？

WINKYCHAN

回應 #22 biggesthell

樓主你這是杯弓蛇影 因噎廢食,或者俗白啲講:斬腳趾避沙蟲;明白童年陰影對你影響很深,但誠如樓上有會員留言,爆渠係有好多因素,並唔一定係舊公屋先會爆,亦唔係新樓就一定完全冇問題:麗翠苑夠新啦!爆渠倒灌上報不只一次,我做戶主嘅話都有心理陰影;綠怡雅苑啱啱收樓,外牆未住就有滲水問題,新建組裝屋有新嘅問題,亦難保日後入伙除咗爆渠,住戶唔會發生其他問題。你因為你過去而對舊式公屋有不好的想法,咁你可以努力上游,去住私樓,而唔係偏激到要一刀切唔再派舊公屋,咁樣係解決唔到問題。
每個人都有每個人的際遇,有些人可能比較不幸,就好似有人行出街都會畀車撞或者碌落樓梯,咁係咪要取締所有車輛/唔應該再有樓梯?

SLLAM

咁，舊式公屋都有優點嘅，就係有露台，落雨都唔使收衫，晾大型衣物同地拖又得。另外有啲舊式公屋走廊仲係半露天，好通風又光猛

Kei海

咁，舊式公屋都有優點嘅，就係有露台，落雨都唔使收衫，晾大型衣物同地拖又得。另外有啲舊式公屋走廊仲係半...
SLLAM 發表於 2020-09-25 07:58:43 原文

係呀，而家幾佰萬私樓連晾衫地方都冇，入屋又要開冷氣，舊公屋用自然風不知幾爽

rickyloh

有錢係萬惡又最毒最恐怖?

william510

好過劏房