真係無聊呀...
你話無街市,, 起個街市畀你又點啫.. 大部份人都唔會係度買啦, 係咪先.. 個街市淨係做你幾個人嘅生意. 一定係好貴, 或者唔會多野賣, 到時你又投訴架啦..... 你留意下,頌安都有街市啦, 但好多頌安的人都係去恆安買餸架啦.. 所以哩樣講唔通...起高個超市, 到時低層的又投訴摭住景觀, 陣間整多幾間食市, 又話油煙大, 吹入屋, 同埋都未必有人會租啦.. 你做老闆嘅, 得做個幾棟樓的人嘅生意, 你會唔會租呀?
你話搭巴士嘅, 行去隔離恆安十分鐘, 都唔係好遠呀,, 可以接受.. 有幾多地方真係巴士到門口架... 樓下大把地士..有錢咪搭的士囉.. 再唔係咪住的私人屋苑囉, 又有穿梭巴士..你叫佢開多幾架巴士入黎. 不如叫佢執下的巴士路線同埋的巴士站位置仲好過啦.. 馬鞍山的巴士路線條條邨都兜入去不特止, 的燈位又唔順, 個個燈位都要停.. 曬時間; 好似保泰街個站咁, 其實個度明明一條直路, 點解的巴士又係都要轉入去啫..再多幾架巴士兜埋去. 真係可以遊車河都得, 你有無坐過個架81C 定咩, 由馬鞍山去長沙灣, 個架車真係坐到嘔, 幾十個站, 一桯都粒幾鐘, 你叫佢兜埋入黎, 你又會唔會坐?... 咪淨係諗住自己先得架.. 做人唔好咁自私...
咁唔满意, 當初可以唔要架嘛.. 住左又話哩樣個樣.. 真係難服侍, 有得住公屋, 總比出邊的人住劏房好好多啦, 要識得知足, 咪得一又想二先得架..再唔係叫房署調你去恆安耀安, 個度咪方便,你又話舊囉, 哩個世界上無十全十美嘅事..
