chunssse

回應 #18 MoonHeiYuet

一開始我都諗住買租置單位，以為第一年會好啲啦，點知原來咁hi hi。?

見到竟然租置單位冇人買，我查一查就已經發覺勁多問題。

打去問所謂嘅冇事故單位係指個單位入面冇死人。
即係就算個窗對住，或者個單位嘅人去咗跳樓都唔算係有事故。
更何況漏水或者天價維修或者垃圾房同曱甴老鼠。
唔做功課走去買真係除咗恭喜都唔知講乜。
明明好多問題都真係去一去就見到，例如垃圾房老鼠曱甴。

觀塘嗰條翠屏北村賣勁多個單位，但係佢哋個紙皮牆好有問題。（肉眼可見）
上網查下會見到有人訪問話近年維修都俾咗10萬蚊。
我朋友仲話去過ok叫我去睇。
我去睇真係住唔到人，其實靚仔新少少果幾棟根本都無出售/出售1個。

租置單位比唔係租置既單位係仲殘舊。啲外觀相仲用緊10幾廿年前。
你行去睇吓大埔嗰個大元邨同富亨邨就知個對比有幾大。

而且幾年內賣返比房署嗰一條打電話去問佢話只係行本身住緊嗰公屋單位嘅住戶。
本身有咩問題你都要自己負責。冇問題又大嗰啲單位其實都比早有準備嘅長者隊買咗啦。

我睇完計完之後都係揀咗鑽石山?? 單係補地價嗰樣已經值。
結論：今年出售嘅租置單位大部份都係問題單位。

kaiso

chunssse

題外，祥華今次有兩間，特高樓底 舊長型，
走廊另一邊係商舖果啲，所以特高樓底。

---

而最原汁原味，係 ...
MoonHeiYuet 發表於 2021-11-16 22:55:40 原文

比較好奇樓主買左邊間！

dp_7

租置諗唔過 wo 謝謝分享

ddoddo

回應 #17 chunssse

舊長型唔知點解睇落特別舊 又細間隔又唔好真係不了

fortesting

題外，祥華今次有兩間，特高樓底 舊長型，
走廊另一邊係商舖果啲，所以特高樓底。

---

而最原汁原味，係 ...
MoonHeiYuet 發表於 2021-11-16 22:55:40 原文

會唔會其實就係一直空置，或者唔係長住最後俾房署收返，所以先咁企理

今期睇返啲相，日後如果自己有機會，都應該會揀新長型（無劏）單位先，對於愛黑房既我，簡直就係恩物

chunssse

回應 #25 ddoddo

講多少少，富亨邨亨昌樓曾經有人自殺就死喺一樓簷篷。
可以上凶宅網或者舊新聞搵到。呢一棟有最少六個人跳樓自殺。

我諗聽日就會有人買 ???

MoonHeiYuet

回應  MoonHeiYuet

一開始我都諗住買租置單位，以為第一年會好啲啦，點知原來咁hi hi。?
見到竟然租置單...
chunssse 發表於 2021-11-16 23:01:12 原文

我會買租置，但我一定非常非常小心，
肯定買得過先會買。

由半年前，未公佈單位名單，
我已經周圍出去洗樓，
去有興趣的屋邨，搵空置單位，
睇環境，問保安同鄰居，
當時已經大概知邊啲出過事，
同各單位出面環境的負面因素。

因為當時都未攪珠，我已經做好功課，
睇下佢到時名單出咩單位，
就知會唔會賣問題單位，同會唔會講有問題。

到攪完珠，我排得唔前，大間一定冇我份，
我開始減少出去洗樓，打算睇下銷售情況，
到臨到我揀時，仲剩低咩單位，
先去詳細了解有興趣的單位。

到出了單位名單，我早上即刻上網睇，
見到部份我之前搵到，並問過鄰居，
證實出過事的單位，不在名單上，
但部份仍然在名單中出售。

跟住下午，我去觀塘攞價單，同售樓書，
我捉住個職員問，
佢話呢次房署抽起咗「凶宅」；

我問佢，如果佢出走廊或其他樓層跳樓，
或送院途中/送院後先離世呢？
佢話呢啲唔係「凶宅」。
再問佢，呢次有冇呢啲單位，佢話唔清楚。

我再問佢，有冇追債戶？
佢話唔清楚，我問佢有冇途徑查詢？
佢話房屋署回收呢啲單位一段時間，
並實都未必仲有呢啲資料。

我明明見到，名單中有單位出過事，
但的確，基本上係單位外離世果啲，
即係佢只抽起，在單位內離世果啲。

跟住返去，再睇下房署啲相，
見到好多單位，都有其他問題：

漏水、門口淋過紅油、
大門出面牆身天花熏黑，似做過法事、
有啲單位，牆身嚴重發霉、
有啲就根本未翻新好，數之不盡。

又有部份單位，大門口的相片，
影到隔離單位門口，會睇到隔離屋，
有擺好多雜物出來，或行為古怪。

---

而家晚晚揸住價單，劃走每日賣出的單位，
目前好多問題單位，已經有人揀咗，
都唔知啲人真係唔介意，
還是根本就冇去了解清楚就買。


雖然話，大間一定冇我份，
但我最後，仍然有繼續出去了解，
未賣出的大單位，睇下有冇問題。

因為如果我揀前，有人突然撻訂，
我都唔知夠唔夠膽揀好；
所以我最終決定，而家繼續去了解大單位，
而細單位就遲啲先，到我揀前先去睇。

因為大間的，一定係撻訂先有，
當日要即刻決定，我一定要預先了解清楚；
細間的，仲可以慢慢睇都未遲。

Imvaayn

chunssse

回應 #28 MoonHeiYuet

其實真係好少人會好似你咁做，我睇咗幾條村都覺得唔對路所以就冇揀到租置單位反而揀咗鑽石山。
連單位「外」死人都唔講真係有啲過分。我之前都打過去1823問，佢嘅答法同你一樣。
其實見到咁多翠屏北村嘅單位都知咩料。
正常少少既單位都係繼續派，可能做吓樣比一部份正常睇吓有冇人唔唔知頭唔知路買左。
依家撻訂嗰啲咪算好彩囉，租置單位個訂金又唔算多，總好過入住左之後公屋又無左又要住hi hi單位。