MYLOVEHOUSE

回應 #20 MoonHeiYuet

明白了, 禁樣其實即係綠置同居屋差不多...只是價錢問題, 及位置問題對嗎??
多唔多人, 上左樓後儲錢買綠置?

MoonHeiYuet

回應 #21 MYLOVEHOUSE

好多人都上樓後，年年出$250，
申請抽居屋時，剔選埋申請下期綠置居，
咁就可以一表兩抽，
付一次錢就可以抽刻期居屋，及緊接下期綠置居。

以居屋2022為例，
申請表剔選，保留申請資格至緊接下期綠置居，
到綠置屋2022接受申請時，
就不用再申請，自動會收到申請編號，
反正你綠置居2022再次交表，
會被視為重複申請，即取消資格。

而保留申請資格，
只有 申請居屋，保留至下次綠置居，
申請綠置居，是不能保留至下次居屋。

由於參加家有長者優先選樓計劃，
長者是優先選樓，之後才到一般家庭選樓，
因此大單位基本上已被長者全部揀選，
往往一般家庭申請者，
只有抽到第一、二粒珠，
才有幸購買大單位。

亦由於近年綠置居及居屋，均越起越細，
大單位被長者揀完後，一般家庭只能買開放式單位，因此棄綠表家庭選率相當高。

但白表申請者，因為很難抽中，
所以居屋開放式單位仍會購買；
但綠置居由於只能出售予綠表申請人，
因為近兩期細單位均出現滯銷，
剛剛就要將 青富苑、蝶翠苑 的未售出綠置居單位，放落特快計劃，給輪候公屋超過一年的申請人選購。

基本上，上樓後年年出$250抽兩次，
只係買個帶望，睇下抽幾多次後，
會唔會抽到頭一兩粒珠，買到大單位。

MYLOVEHOUSE

回應 #22 MoonHeiYuet

即係個個其實都會抽? 禁佢地上樓前應該都有一定既資產?
禁$250博個機會都好既,  即係人人都只會揀大單位? 其實難唔難抽

MoonHeiYuet

回應 #23 MYLOVEHOUSE

只能話大部份人都唔會買開放式，
但二百幾呎的開放式單位，對應公屋的2-3人單位，都會有好一部份人會買，
尤其係地區較好的屋苑，買家主要兩人家庭為主，偶爾亦有三或四人家庭買，但相對較少，得返開放式單位時，明顯賣得慢好多，始終又要出錢買，又要換細。

換細都買的，有一部份係富戶，唔想交兩倍租+差餉，同兩年申報一次資產入息，買來半住半炒。甚至好多呢類人，其實大陸甚至香港，其實有樓，只係冇申報又冇人捉到佢，所以細一細都買，好過俾人捉到，收返間公屋，連渣到冇剩。

但今年開始收緊轉售期，要10年後先可以補地價後，再於公開市場出售，相信會少了炒家購買，買家以自住為主。

上期綠置居，正因為係收緊轉售年期前最後一期，所以啟鑽苑的18X呎1-2人單位，都全數被家庭申請者掃清光，連再上期滯銷，重售的青富苑18X呎細單位，都有好一部份，同被家庭申請人選購。

此等買家，基本上都擺明係炒家，想幾年後轉售圖利。