ineedhouse

回應 #18 carol2357

其實呢類個案，最好真係去屋邨辦事處到問個房屋主任
你係到問，啲答案未必一定係啱
但房署的房屋主任係收錢出糧專門負責公營房屋既事宜。轉業主文件又係經佢哋處理，主任親自處理過相關個案，一定比普通人靠常理有更好解答。

況且你同你爸爸去返自己所屬屋邨辦事處問，最多咪叫你爸爸出示身份證證明佢係負責屋邨的業主，又唔會有額外收費
又唔係作奸犯科，有咩唔明就直接問主任問到明為止

ineedhouse

回應 #17 carol2357

但是D人講話 唔關有冇比供樓費事係依返平安紙分配 就算冇畀錢我都有份

呢個係一個好複雜既問題
簡單講，俾首期同供款人同意平安紙分配方法，唔上訴爭取，咁咪跟平安紙囉。
但鄺球案件，何文田間豪宅業主係鄺球，但錢係由蔡天鳳出資。結果蔡母向法院申請頒令，鄺球只係信託形式代持單位。
你可以追溯返到2012年既居屋供款人終審法院爭業權，當時終院都判咗供款人係享有業權。
若果首期同供款都係由A先生出資，但平安紙寫咗俾B小姐，A先生唔同意平安紙分配方法係上法庭爭取。當然A先生同意，俾B小姐全權擁有都無問題。

至於當中既法律條文真係太專業，係要花時間去細閱理解研究，唔係咁簡單上嚟問兩句就有明確答案。
最後都係建議你去問房屋主任，因為房署的「房屋條例」有寫。你好得閒咪自己逐頁逐句睇，但正常都係直接去辦事處問主任。始終「房屋條例」主要係寫嚟跟規矩做事。你一個普通人專登研究法律條文做咩，直接問一個識法律既人算啦...

wing139

本來你就冇份.
無論你什麼原因要除名, 由你除名時已放棄左間公屋.

carol2357

總之就慘啦一殼眼淚

iwyk4

回應 #21 ineedhouse

房署只會答睇法庭點判，完。

dan0426

由買到供你都冇份，點解諗將來老豆死後，要去同細佬爭？同埋你老豆死左，我覺得你都係冇份，唔洗諗啦，由頭到尾你都一無所有，自己買啦。

carol2357

因為爸爸話平安紙我係有份都係半個業主有一半業權

candy0101

你除名就知道除咗名無咩話事權

Ling121149

我爸爸媽媽都有間公屋是買左的，年紀都係60歲左右，我哋屋企有3兄弟姊妹，我唯一諗到嘅就係希望爸爸媽媽長命百歲，你咁快就諗定點爭，不如你早啲結婚去申請一間公屋算數啦

矇查查888

弟弟比首期、弟弟供樓、將來爸爸走左、都會係媽媽承繼先、除非媽媽放棄、弟弟承繼、你一毛錢都無出又無名、房署首先睇租置戶有名者承繼的、邊個有平安紙、遺產承辦就轉給誰的、當初要出錢買房時點解你吾舉手供埋一份？你可能覺得無名要供樓好蝕、而家又覺得比晒弟弟好蝕、弟弟比現金供款都可以留收據証明的、當初你放棄比錢就吾好而家又後悔啦、自已一方便再申請公屋OR抽單人居屋啦、抽到邊期就買邊期羅、一方面一家人再慢慢傾、傾吾掂咪自已打算啦、你爸媽一日未死、就算全部不在你弟弟也未必一定會趕你走啦、也未必不會把屋分一半給你啦、倒不如好好修復關系比什麼也重要啦。