88hk

sugar

回應 20# sytam
運吉同狗巴漠視居民意願好正常，問題係我地位"建設派"區議員，貫徹其政黨的"禮義廉"精神，出賣自己D選民
辜勿論條路線有幾廢，剩係兜到要收$4個6就夠"CALL-NOW-YEA"。

yeung596

isar

今次擺明就中晒陷阱
九巴同運輸置都係想安撫我地，求求其帶搵條28A算數

之後彩褔交通問題就可以close file

老實，呢度有咁多人對28A有保留，肯敢言，唔怕比人ban既話

去顏議員專區，每人貼一個主題，表達我地對28A既意願，可能仲好

狗巴一路嗌蝕本，另一邊就將兩條廢線(28A/224M)攪出另一條超貴/廢線，最終都係車車載空氣遊車河晒油晒人工，令蝕本情況加劇，而家已經出晒口術要加一成，但咁嘅經營手法(兜遠路抬高車費)，咁嘅服務質素，好明顯係管理層經營不善，唔應該將責任推落乘客度，叫乘客填氹囉。

呢個CYClub係邊D人揸旗相信係人都知，我諗唔使專登响阿"厚顏議員"度貼文佢先睇到。但大家要明白阿"厚顏議員"係"建設派"代表，為貫徹其黨嘅習性，協助執行政府的保鐵政策，但又費事等你地班選民又罵佢唔去爭取開巴士線嘞，咪惟有曲線出賣你地班選民，兜路冇人會搭收$4.6都照單全收，仲做定條"成功爭取"BANNER到開線來抽埋水，一舉3得，幾好呀!!!

顏汶羽

回應 16# sugar


    我深信您不是說緊顏汶羽。

    顏汶羽每月一次工作報告都會放在彩福邨每戶信箱，每星期最少一早一午在彩福邨彩樂樓旁空地見大家。顏汶羽從來都是有真人係度，唔係唔會開流動服務站！

顏汶羽

回應 20# sytam


    我請您一齊去區議會請願果時，您又唔去？您又話我唔做野，您幾時集結力量？我黎參加！

顏汶羽

回應 25# sugar


    如果您要一個撓埋雙手等運到，單叫口號，憤世嫉俗，凡事企硬，只要政府照單全收，否則玉石俱焚的議員的話，對不起，顏汶羽從來都唔係。

   顏汶羽由從政開始，都是密密做到無停手，將居民的意見與政府商量，平衡居民與政府的方案，爭取居民利益最大的計劃，落實建設。我深信只有咁樣，居民生活先有改善。凡事只識您死我活的對立，最後只會一事無成。

   顏汶羽堅持您係睇到、望到、聽到，我堅持每星期二次在彩福邨流動服務站，您亦可隨時打我手提，我親自接聽的，您與我家 都是打同一個電話號碼，顏汶羽唔係高高在上的人，我與您係同一屋簷下。

   如果您要抹殺我的努力，我作為公眾人物，你可以。但不是抹殺我與彩福居民的共同回憶，由市區孤島慢慢加設施、加硬件，三千條綠絲帶係彩樂樓旁空地，當時的圖像直今我亦難忘，係我從政生涯中最漂亮的！

   最後，我想講顏汶羽黎彩福邨同cyclub服務是無條件的，我沒有任何利益的，我只為改善大家的生活，請您尊重我。

isar

回應  sytam


    我請您一齊去區議會請願果時，您又唔去？您又話我唔做野，您幾時集結力量？我黎參加！
顏汶羽 發表於 2012-10-14 07:37:45

你擺街站，搞請願，你得閒，唔代表我地都得閒
我地只係需要一個真正幫我地發聲既區議員，將我地既聲音係區議會上講出黎。

老實，請願?千禧年代後，呢招已經唔WORK
因為當權者已經同巿民脫節，我地有我地嘈，佢有佢地既論調

難得我地仲肯理性討論，再極端D?郁下反對28A都仲得。
但我地都想有條全日巴士，條底線先唔去到咁盡。

我知你投放好多心機同時間係社區度
但係大家既期望似乎有一定程度落差

你覺得你為居民著想，但我地有人認為你出賣我地
你係咪好應該睇下我地發表過D咩意見，再花少少功夫研究下?

難得我地理性討論28A個陣，你係咪應該回應我地關於28A既問題?

顏汶羽

回應 29# isar

咁你快D幫手約個你地得閒既時間，一齊同運輸署傾，你直接向運輸署反映