其實好似其他師兄所講,買樓有冇改善到生活質素? 宜家間公屋住多幾年又有冇問題? 唔知你幾多歲,會唔會住...
szeforcat 發表於 2017-02-18 09:25:19 原文
謝謝用心回應,我也再講講目前情況,會掉亂些次序覆,先覆最後講樓市那段,因當中有些重點涉及綠表按揭政策有別於普通自由樓,那也是我就算不買景泰也急著買2手的主因之一:
//另一個問題係樓價處於高位,個人認為樓價會喺呢幾年回落少少,但唔會大跌,到時可能可以選擇既會較多。//
---> 認同回落少少但唔會大跌,但如果講買綠表樓而且要借盡按揭,就未必可選擇既會較多,2手綠表市場甚至可說是等得越久就選擇越少。主要因為,買綠表樓如果想做95%按25年,要求2手居屋要樓齡少過19年至得。
之前曾蔭權停售居屋N年的後遺症之一是令2手居屋市場出現嚴重斷層,無論我之前提及那間銀碼多50萬以上但也只大DD的心儀居屋和其他一些我會吼而又能負擔的居屋,都是已十幾年樓而過多幾年就超晒齡做不到95%按25年。其他樓齡得幾年新的居屋,全部銀碼太大超BUDGET。
買2手租置公屋如要借95%按25年,也是要計購入不超過幾多年,而因早已經停止新加入租置屋村,所以2手租置公屋賣來賣去都只那幾條村,盤源也有限。
當然,不排除將來銀行放寬綠表樓按揭政策,但這些無得預計。
//宜家間公屋住多幾年又有冇問題?//
---> 是面對一些問題的,但詳情不欲在這裡講,請諒。所以基於上述按揭年期限制加上一點私人原因,我都是會盡快買,如果不買景泰我就應該會拿拿林去買2手那間地點喜歡但銀碼比景泰多幾十萬而SIZE卻也只大一丁點的盤。
//買樓有冇改善到生活質素?//
---> 實際上是比目前住細左、住遠左。但擁有自置物業而且迷你單位樓價低負擔輕所帶來的安全感和輕鬆感,都可視作對精神上的生活質素有加分。
//唔知你幾多歲,會唔會住住下會變兩個人或三個人?//
---> 適婚年齡但未婚,如將來結婚我預計會搬走和丈夫住;所以自置的綠表屋打算只諗自己住就夠,不預加人口;另外,如將來結婚搬走,除了賣樓這條路,迷你單位銀碼細有可能將來如果自己經濟狀況較好,就補地價出租。
//新居屋又啱唔啱你?//
---> 唔啱。一來新居屋太貴,綠置居比普通居屋平一截。二來接下來那批些彩虹、梅窩等地點對我而言更差更吊腳。
而再將來的,不知等到幾時,市區多數太貴超BUDGET,而且也未必抽到,等得越久就在2手市場選擇越少(受限於借95%按25年要不超19年樓齡的限制)
所以,樓我是會盡快買的,目前掙扎就是如果剩下那幾間景泰我有份可選的話,究竟真是貪碼細買景泰,抑或去返2手市場花多起碼5、60萬買較合心水的......