梅窩居屋賣剩銀河苑8單位 申請者嫌細走人
房委會新一輪居屋梅窩銀蔚苑及銀河苑餘下最後18個單身人士單位，200名綠表單身申請者，今早(23日)獲邀到房委會樂富客務中心揀樓，餘下的所有單位皆屬低層單位，售價低於200萬港元，面積約353平方呎至418平方呎。銀蔚苑最後1個單位今早售出，而至早上約11時，銀河苑仍餘下8個單位，其中6個為A座單位。
約20人進入揀樓程序的房間，未夠15分鐘便有一位女士嫌單位面積太細離開。旺角居民羅先生亦聽到一半便走人，直言：「單位太細喇！唔適合自己，唔想嘥時間。」他說等下次再抽過其他區的居屋。
任職老人服務的潘小姐則認為單位適合自己，她目前於葵涌的老人機構工作，「如果抽中梅窩就轉工，我相信梅窩都有老人院。」她又覺得現時樓價高昂，「無論如何都會買樓」，她早已屬意梅窩，因自己住沙田，「如果抽彩虹不如住返沙田，環境差唔多」，梅窩則適合將來養老，不過她同意梅窩交通不便，「得一條路，打999求助救護車未必咁快入到嚟，惟有鍛練好身體！」
做飲食行業、本身住大嶼山的沈先生亦說單位合適。被問到會否覺得餘下的單位是「籮底橙」，他認為已經無得再揀，「無辦法啦，依家啲樓咁貴」，他說應從另一角度想：「1樓同10樓都有人住，差唔多。」他又指如買到單位，會轉到梅窩做飲食生意。最終他以146萬港元，購買了一個388呎的單位。
至於同期的市區居屋，位於彩虹的彩興苑單位則早已售罄。
