Nightkeeper1

回應  Nightkeeper1

就你考慮的問題(供唔供得起)我屋企商討2年，終達成共識，可惜綠置中36个珠，希望下期...
ysh1978121838 發表於 2021-10-17 23:07:09 原文

綠表家庭曾經試過100粒珠都有得揀，唔使灰心，只不過到時可能冇咩大單位得返啲細單位選擇。咁點解要商討兩年？商討兩年之後點樣達成左共識？你哋幾多人做嘢一齊供樓？

SLLAM

其實有公屋住，是否一定要買？
Nightkeeper1 發表於 2021-10-17 22:47:12 原文

我想提提你，公屋戶最易中招嘅時候係你家庭人數減少嗰陣，例如老人家走咗或者家人除名搬走，呢啲情況會令資產上限砍一大截，令你屋企由唔係富戶變成富戶。舉個例，一個三口之家，兩老退咗休有啲積蓄（200萬），後生仔得萬幾蚊人工，份工又冇乜前途。一日，其中一位老人家釘咗，咁剩返落嚟嗰兩個就突然成為富戶（二人資產上限係195萬），要搬走啦。如果佢哋識得未雨綢繆，喺成為富戶之前拿拿聲買間平平哋嘅居屋（唔超過250萬），咁就唔會突然成為富戶被趕走咁手足無措啦。就算嗰個後生仔得萬幾蚊收入，要供相信都供到。

tsz19891216

回應 #21 ysh1978121838

喔，好好彩??

running

人多好辦事，可惜我得兩個人。
Nightkeeper1 發表於 2021-10-17 23:00:13 原文

如果唔打算生小朋友，我都贊成住公屋，無咁大壓力，自由輕鬆好多

Nightkeeper1

如果唔打算生小朋友，我都贊成住公屋，無咁大壓力，自由輕鬆好多
running 發表於 2021-10-17 23:19:28 原文

近來成日比朋友問我點解唔買。 佢哋話做人唔可以冇自己物業。

kbedmond

日日打兩份工，遲啲你變人乾，冇緊大個頭就唔好带緊大朶帽，为咗供樓日日食公仔麵，仲有望老細唔好炒你魷魚，老細叫你做乜就做乜，問親戚屋企人借錢買樓，你估唔駛還呀！孭一身債，兩公婆日夜为錢銀嘈交。
申請公屋住先，當日後生活改善才以綠表抽居屋。

ysh1978121838

大部份人与你想法一樣

不過我想買屋他不想，説供樓辛苦

三人只有他開工，(住咁200尺公屋)改善空間調遷冇望，再在我一系列溝通后才同意，只要有机會上樓，最多辛苦的供下?(現在細佬仔也差不多可以放手了，我也可以考慮做兼職)

所以之前我説過夫妻要方向一致達成共識，那就努力去做了

忻妹

放棄左又唔使可惜，咁呢一刻能力未到就上左公屋儲住錢先
有張綠表就下次再抽都得，一年有兩次機會

如果有心轉居屋就努力儲錢，希望早日再抽中，供早一年得一年。

公屋居屋各有各好，住公屋的住屋開支好低，份糧好見洗，無業主會收樓。居屋 如果嗰個月有地租，差餉就14xxx，平時供樓加管理費同未有公屋前喺出面租樓的租金一樣。其實供慣左有呢個開支就唔吃力，係當時俾首期清左袋的第一年無乜安全感。 如果有小朋友就轉居屋，因為公屋政策唔擔保幾時會變，但如果兩公婆，住公屋都一樣。

Nightkeeper1

大部份人与你想法一樣

不過我想買屋他不想，説供樓辛苦

三人只有他開工，(住咁200尺公屋)改善空間調遷冇...
ysh1978121838 發表於 2021-10-17 23:23:27 原文

原來係咁，祝你早日抽到，二人單位200尺住三個人真係好細....其實住兩個人都係好細，只係一間酒店房....怪不得你咁想買，咁好彩我三個人，老人家當計多一個人頭，可以派到三至四人或者四至五人單位。。

running

近來成日比朋友問我點解唔買。 佢哋話做人唔可以冇自己物業。
Nightkeeper1 發表於 2021-10-17 23:22:00 原文

大把無樓一族 而且住公屋輕鬆過幫人供樓，佢地係羨慕