呢個新計分制根本唔係用公平來作為大原則,
新計分制是當每一位非長者年齡到咗45歲,就會自動加60分,
(無理解錯是每一位非長者申請人當自已年齡去到45歲就會自動加60分,雖然是一次性,但將會是持續性)
最終結果係不會再有45歲以下非長者申請人---即使"佢哋"/"我哋"等咗十年八年,都唔會有機會上樓.
因為以往會有一些30多歲及40多歲的一少部分非長者等夠時間/分數,而上到樓,
另外50多歲的一羣非長者因未等夠時間/分數....結果係會出現一些較年輕的非長者會比較年長的非長者"上咗樓先".
如果我無理解錯新計分制就係要杜絶"呢一個情況",
大家亦可以咁樣理解,以往咁多年非長者總上樓人數在各個年齡分怖內是會有一些較年輕的非長者上咗樓,多數係30至40多歲嗰一批,
新計分制的目的就是要透過新的計算方法,去將呢一批過往等咗咁多年,原本快將或已經等夠時間/分數的一批較年輕的非長者的配單位/配額強行"抽走",
而被強行抽走了的單位/配額會去咗邊呢?.....點解45歲或以上的年齡組別要無啦啦再加多60分呢?(十萬人以上的非長者申請人年齡分數已經由每年3分轉為每年9分)
數學上黎講叫做"左手過右手",但對我哋呢班等咗好多年,以為快將見到/擁有自己真正的家的一批非長者申請人來講,卻是左一巴右一巴......
舊計分制,"三年又三年",
新計分制,"十年又十年"........
(生命太短 明日無限遠 始終都不比永遠這樣遠,
有沒有終點 誰能知道 在這塵世的無間道,
快到終點 才能知道 又再回到起點 從頭上路)無間度歌詞!
