內容違反「用戶守則」或等待查證/審核

唔好做傻仔

好難得係呢個討論區終於見返幾個有識之士，真係睇唔過眼，所以都忍唔住開返個帳號o黎講兩句；
利申：我支持成立法團，但認為至少下年中至尾先係合適時間。

至於各業主支持或者反對成立法團，我當然唔會有意見，但我希望大家唔好俾山竹o既言論所誤導，我睇晒山竹o既言論。無錯，山竹基本可以歸為反對派中堅份子，問題係：山竹從來無就反對成立法團提供任何「有用」o既論證，山竹所提供反對法團成立o既原因，全部都係極膚淺而且未經證實o既人身攻擊。如果係醫生角度，可能o黎種人會被稱為被害妄想症。

第一：以貌取人。從第一刻開始，山竹o既言論就不斷針對鄺小姐及馮小姐（以下用兩位代替）o既外貌，不斷強調兩位個樣係奸o既。請問係邊一個方面可以因為兩位個樣而證明係奸呢？我又可唔可以講，我見過山竹，佢個樣比兩位更奸，反對組法團對佢有更大利益，大家唔好信佢呢。o黎啲咁無知o既論證，竟然仲有一批人去支持，實在難以難解。最近當有人提醒山竹唔好以貌取人時，山竹更口出狂言表示其他人係因為傾慕兩位而維護兩位，果種無知……用無知黎形容已經好溫柔。

第二：妄想症發作。不斷將自己對兩位o既幻想強加係兩位身上。例如：鄺小姐已準備辭去公務員一職，係法團度打劫景泰苑居民；鄺小姐同老豆夾埋，日後一定好多天價工程做；現時屋苑入面啲維修唔做，係鄺小姐叫管理公司唔好做，準備天價工程，從中獲大利；鄺小姐叫管理公司唔好改地下開門掣位。種種言論全部都係自己幻想。點解你地唔用另一個角度諗下：年薪近百萬，仲要出黎做法團，而且參選果度寫左就係因為怕一班唔識處理o既人做，亂咁洗大家啲錢，同埋俾管理公司操控。如果照山竹咁講，咁遲啲選法團果陣，搵個小學畢業，80歲o既老人家做主席同埋司庫，咁一定唔會天價工程啦。更奇怪係，有居民話朝早10點半搭升降機撞到馮小姐，就話人地辭左職等打劫法團。咁同佢一齊搭升降機果位，係咪又辭左職等打劫法團呢？定還是係唔洗做野o既社會寄生蟲呢？反對還反對，用返啲有知識、有文化小小o既論證啦。

第三：唔熟悉條例。山竹根本對法例o既基本認知都無，只係不斷誤導居民。下列幾樣野可以證明山竹對法例o既無知：
A)
誤導反對法團居民唔好落去投票
山竹竟然話唔落去投票等於投左反對票 / 空白票。果種無知，同政府講話得一百萬人出黎遊行反對，即係其他六百萬人支持有咩分別？
如果開會當日，即使有超過30%人贊成，例如31%，但有35%人反對，雖然有足夠30%人支持，但未能獲得過半數票通過，所以法團依然不能成立。
所以山竹叫人唔好出席等於投左反對票，根本係白痴至極o既言論。到時因為你地唔出席投反對，而又有足夠30%人支持，你地就好喊。

B)
誤導撤銷召集人一職等於反對組法團
召集人目的從來都只係召開會議，成立法團。即使撤銷左召集人一職，公契經理人，即而加既房署，都仍然有權召開會議成立法團。當房署見到開左兩次會，第一次贊成佔差不多20%，如第二次20幾%，但無乜人投反對票，房署一定會繼續召集成立法團，因為房署更加想甩身。所以撤銷召集人一職根本無意思，多舊魚。落去投反對票先係最有效方法。山竹講到「我同好多街坊都反對成立法團」，咁你當日就拖夠馬，全部落去投反對票，咁就可以俾到召集人、房署、管理公司同埋居民睇，反對聲音係幾咁強烈，佢地先唔敢再亂咁開會。當然，山竹所指既「好多街坊」，從來都不能證實係幾多街坊，嘿嘿 ，可能又係妄想症發作。

唔好做傻仔

C)
無提及業主委員會同法團分別

即使唔成立法團，稍後都一定要組業主委員會，係公契規定。咁點解唔成立法團而要成立業主委員會呢？兩者有咩分別？有咩好處，有咩唔好處？山竹又唔講下，一味叫人反對組法團，點知原來組業主委員會仲衰，咁到時係咪你地俾山竹誤導呢？

如果你地有留意，法團同業主委員會係兩樣完全唔同o既野黎。業主委員會基本上其實等同公屋o既互助委員會，純諮詢組織，無任何實權。房署同埋管理公司可以完全當你無到，自己話晒事。幾多新樓盤，由地產商管理，鐘意點就點，完全唔理居民意見，就係因為地產商渣住好多業權份數，唔俾居民組法團。點解地產商要咁做，因為佢地可以話晒事，管理費鐘意加幾多就加幾多，俾咩服務你就俾咩服務你。投訴當食生菜，你有你投訴，我有我繼續搵錢。

當然，法團亦都有佢好處同唔好處。一味發掘佢o既唔好處，任何野都唔會好。反對法團完全唔係問題（我開頭都講左贊成下年年中至尾先成立），但你地忍得到而加既管理咪得。房署管理，永遠都係以穩行先，一齊不變，唔會加唔會減。

唔好又要有咩優化野做，但又唔肯組法團，房署真係睬你都傻。

第四：其他無知言論。一開始已經講兩位鬧走同趕走雷議員，令雷議員唔理景泰苑啲野，所以啲野無人做。咁而加平時係度搞活動果個雷議員係假架？如果議員係咁容易可以趕走，就唔會有咁多政治問題啦。山竹有無試過搵雷議員幫手搞屋苑啲維修呀？雷議員係咪真係答山竹唔會再理屋苑入面啲野呀？無證無據o既野，係人都識講。但最估唔到係，竟然有一班人信。

派信o黎件事上話管理公司要登記同埋無擺箱。大佬呀，房署管理既地方，全部人入信箱都要登記架啦，登記梗係包埋電話架啦，無電話有起事上黎點搵派果個人。你唔係以為座頭會有業主電話呀，如果係o既話要報警啦，座頭係唔應該有業主電話。「業主」唔係大晒，如果照你咁講，以後個個人入黎，講聲自己係「業主」，咁就放人上樓啦。

話管理公司無擺箱又係傻。山竹自己都知o黎個係私人行動啦，咁私人行動管理處點會幫你手呀，管理處不嬲都中立架啦。咁如果今日有班支持召集人o既又話要擺箱，聽日支持組法團o既又話要擺箱，管理處咪要擺幾十個箱係座頭？要交咪交去管理處個信箱，果度行過去10秒。連果10秒都唔想行，咁都睇唔到你地反對o既決心有幾大囉。

最後：山竹目的。等我扮一扮山竹。咁強烈反對組法團o既原因係邊呢？

首先，一定唔會係房署，房署不知幾想甩身唔洗做。第二，唔會係管理公司，組左法團，管理公司可以加人加酬金，唔洗俾房署限死。第三，唔會係支持組法團既人。咁最有可能o既會變成兩類人：

一，雷議員o既人。照山竹所推測，鄺馮兩位係唔鐘意雷議員，如果組左法團一定唔會俾雷議員係景泰苑做事，所以有可能係雷議員既人，煽動居民唔好組法團。因為係房署管理下，房署無得拒絕雷議員。

二，被退選o既人。好大機會係之前想參選，但因為埋唔到堆，所以俾人踢左出黎，覺得自己拎唔到著數，所以深深不憤，寧願攬炒都唔想屋苑組到法團。

是人是鬼，大家自行判斷。最重要係，凡事自己用腦諗清楚，唔識就睇下啲資料，唔好人講乜就信乜，好易俾人誤導。

我唔希望出面啲人講o既「綠置居全部公屋人，質素咪又係咁垃圾」變左做事實。

keroro12

所以大家都 公 識停一停諗一諗， 暫時唔好成立業主立案法團 比較好。 請大家各方 要尊重其他人。先取消召集人資格可以給各方唞唞。。
不用急於上馬

KTC

所以大家都 公 識停一停諗一諗， 暫時唔好成立業主立案法團 比較好。 請大家各方 要尊重其他人。先取消召集...
keroro12 發表於 2018-11-20 13:15:18 原文

呢個討論區既野當笑話睇下就算啦

愛景泰苑

選法團既野當笑話看就算不要放在心上

愛景泰苑

C)
無提及業主委員會同法團分別即使唔成立法團，稍後都一定要組業主委員會，係公契規定。咁點解唔成立法團...
唔好做傻仔 發表於 2018-11-20 12:49:21 原文

我覺得 山竹 只是發表個人意見，這裏有很多人 贊同他的反成立法團的言論，如果不是有山竹，你都不會今天開帳號過來幫鄺.馮講好說話。鄺.馮的小圈子團隊全屋苑都知他們是誰，為什麼他們那麼出名呢？ 除了鄺.馮兩人背景的問題，還有大部分 他組成的人士喜歡罵人，睇見以前的資料你們這班人是有計劃地組成法團，而且有計劃地篩選， 這樣的組織為什麼不會被人擔心呢？

ckh3111

法團始終會成立，但一年樓就急急成立法團，仲要「皇帝唔急太監急」，一定引起街坊懷疑真正目的。

ckh3111

回應 #43 唔好做傻仔

諗深一層，咁新嘅樓，無業主立案法團真係唔得？采頤、嘉峰臺、麗晶都無業主立案法團，後者仲係三十幾年樓，無法團又如何？
你呢幢單幢樓真係咁巴閉，要先人一步成立法團？
唔係永遠反對成立，大家要長時間了解先係正路。否則，成立業主委員會都係選擇，你話業主委員會無實權可能更好，公數唔係隨便用就用。

春風吹又生

回應 #43 唔好做傻仔

喂喂喂，洗唔洗講到咁明「被」退選呀

即係你都認嗰班人係強權式管治啦下話另外我真係睇唔到一個正直嘅人可以點喺法團入面，或者呢次選舉入面「有著數拎」


雖然你講既嘢大部份都冇錯，但係依據返你最後咁唔嚴謹嘅推理，我只能推測你身份係馮喎

我諗啲人唔係唔讚成成立法團，只係唔讚成你班友仔做委員啫

唔好倒米啦，畀你哋咁搞兩搞，地契完咗都成立唔到法團