wingau

derekfungmanpan

假如你果度租很貴的話就要，如果應付到既話就唔要la，雖然牛下交通好，配套設施好，但系你是一仔一女喎！大個左好唔方便，一房間三房，仔女又細，無左咁多空間放書本，好唔方便，我4人一仔一女37.1平方我都嚴佢細，因為我家很多書籍，一個好環境比仔女讀書是最重要，交通好，配套設施好其次，何況你係改善空間喎！明年長沙灣啟德深水寶無公屋咩？你始終都快過輪侯麻。

chita

甘都系個。。。等牛下二期得唔得啊。。。
如果牛下二期都系甘細個單位就羅。。

teasee

房署對 擠迫戶 / 改善空間，
依家係有史以來，政策最為寬鬆嘅時候。

輪候冊戶數已超過 20 萬，每年新樓衹有
1.5 萬，回收舊單位約 1.5 萬。
出面私人樓租金升個不停，申請公屋人數
將會多到你唔信。
梁振英政府講到明一定做嘢。

萬一房署政策有變，例如 :
- 加快清拆舊樓，將新樓預留給安置，
  減低擠迫戶調遷配額。
- 提高擠迫戶調遷入門條件，減少需求。

到時你真係喊到無謂。

-------------------------------

其實，你老公鐘意牛下，
相信都係交通問題。
男人番工辛苦，如果在交通上慳到時間，
個人精神都會好啲啦。
你咪做番一次小女人，順下佢意思囉。
起碼依家唔會家嘈屋閉。

廳細唔方便，十幾年後個女大個咗識得埋怨，
你咪向老公舊事重提囉。
"死佬，係你無本事買樓咋 ..."

萬一你家陣放棄牛下一房單位，
再幾年都係食白果，肯定你就成為千古罪人。

回應 44# teasee


    嚴重支持樓上說法  如果吾要  將來好大機會成千古罪人

阿J

回應 43# chita


    無得等架啦  吾好心存幻想再有更好機會  呢次有牛下揀才是千載一時好機會  你諗清楚一下  將來還會有比得上牛下這麼優越的村嗎？   

   快做好揀樓功課至為重要   揀樓名單上有多個樓王級單位  切勿錯失一償黃金單位的滋味

teasee

長氣啲都要打字講多幾句，恨鐵不成鋼。
輪候冊四人家庭等六年半都未派第一次，
有啲捱到死吓死吓，假離婚都要
變身成三人家庭，就係為咗想快啲要
一房單位。

牛下行幾分鐘到街市，
幾分鐘到九龍灣港鐵站 (入閘上埋月台)，
人地真金白銀幾百萬買居屋安基苑
都無牛下咁方便。

番工放工唔駛駁腳 van 仔。

大把商場行到腳軟，平貴消費任君選擇 :
淘大，德福，Megabox.

teasee

行街 shopping :

啟田商場 = 垃圾，蚊型吉之島超市得啖笑。
匯景商場成個八掛咁樣，啲鋪細細間九唔搭八。

德福 : piago, uniqlo
megabox : 吉之島百貨，宜家，玩具反斗城

lamlamja

無論擠迫戶or改善空間4人都係排到最後揀樓,大單位一早比人揀晒,我都係4人一仔一女,原本住23.8,而家搬去牛下30.3,真係大得果少少,一仔一女唔方便都冇計,好過冇,你4人想要大單位睇怕都好難,就算有都係d舊邨,新樓你唔駛諗~