說真的，不是好很吸引
Kathyhung888 發表於 2016-09-18 12:46:19 原文
的確係，因為用得綠表都係希望換好一點既環境，先唔講果區本身工廠林立，而且最大只有2房409呎，其餘1房330呎或以下既，真係可以做到改善居住環境咩？而且仲要呃多你幾十呎錢，409當495呎，330當400呎賣！
至於有人話方便，但今時今日既香港交通網絡發達，方便呢個詞已經唔係咁大差別，當年山卡啦既天水圍已經有西鐵半個鐘到尖沙咀，所以而家既人既需求更強調既係環境同設施，先天係公屋，呎數不足，另外仲有附近既工廠，可以大膽假設未來20-30年都唔會有乜變化，佢又唔至於好似以前觀塘工廠咁舊咁矮可以立即重建
當然我數咁多唔係話真係一無事處，如果有用家係覺得495呎2房（其實得409呎）係夠用既話，值得用綠表去換既話，我覺得就換啦，否則未來大把居屋項目，何必要急，重點係大家唔係白表要等彩數，大家手頭拎住綠表，將來居屋量而家慢慢出緊黎，真係等得既話等多1年半載就有，有心絕對好大機會抽中將來既居屋
