Toyi

回應 #49 wing0

上年友愛，湖景我都睇過，平台單位我過唔到心理關口?
不過揀蝴蝶湖景都係貪佢有大街市！
我今日上左人地湖景單位，佢個景真係無敵正，
望海吹涼涼海風！不過哩d多數正常派！佢都裝到私樓咁靚！

三聖就太遠，我唔考慮，你上年排幾多？
我印象係4千跳到千4再跳到3百幾就中標！

假如你真係想揀大興我可以分享圖則比你間房！
當初我地都諗左幾個方案！

christyng246565

回應  wing0
上年友愛，湖景我都睇過，平台單位我過唔到心理關口?
不過揀蝴蝶湖景都係貪佢有大街市！
我...
Toyi 發表於 2020-06-26 23:45:52 原文

我都記得你果時揀左大興！
我舊年P6xx, 揀果日已經冇曬大單位，所以冇去到！
我諗今天應該3百左右！
希望到時揀到啦！
大興都係我頭3位選擇,因為小朋友係山景返學

Toyi

回應 #52 christyng246565

山景街市好似重建wo，不過就難有好野，景榮最多?
我個時深入到查晒近10年有無凶宅同層！
但求安心！
你今年頭200實中標！?

wing0

回應  wing0

其實前年我都有去掃樓，好似3千幾都仲有的揀，
最後放棄左等多一年！個時得3個人，我連大興...
Toyi 發表於 2020-06-26 23:39:54 原文

嘩3百幾係唔同d呀～

上年4千頭咋，今年最多跳1千至2千到，唔期望有太前，估計都係好骨，都係單位細d，好過咩都冇，不過上次參加左之後，起碼知道點，一見自己號碼同一見張紙有咩單位，拿拿林做多幾本功課啦～都怕做漏野，你仲洗樓幾次，我服左你，你一定果個星期諗左好耐同考慮左好耐，?係人地果層樓，來來回回都好多單位，你係咪每層問街坊特別問題架? 可以參考嗎？我有時都唔知問咩，有時好緊張。不過我相信有街坊好好人的。

wing0

我都記得你果時揀左大興！
我舊年P6xx, 揀果日已經冇曬大單位，所以冇去到！
我諗今天應該3百左右！
希望到...
christyng246565 發表於 2020-06-27 01:47:05 原文

好西利呀～你600都揀唔到，真係好多骨既單位，同埋好細，你都忍到多一年，其實山景唔係好老，好似唔多人講重建咁，佢有買賣既樓，應該唔易拆，不過你今年都預備再參加，希望你揀到心頭好啦～

wing0

回應  wing0
上年友愛，湖景我都睇過，平台單位我過唔到心理關口?
不過揀蝴蝶湖景都係貪佢有大街市！
我...
Toyi 發表於 2020-06-26 23:45:52 原文

其實我只留意左天水圍單位上年，今年都見佢冇疫情影響再出，先放心留意多幾次單位，我係4千頭呀～，一跳1千中，都算快既，因為我唔想要新樓果個粉嶺，都遠，不過佢特快要寄信問你參唔參加，即本試下機會先，今年應該盡快上樓了，因為唔想再等，租樓貴。但我知大單位冇我份，得返細單位，我再問家人多幾次先再決定，睇唔睇多幾間，謝謝你說的圖，你改裝修，自己整定搵人整既? 問下咁。因為我未決定到邊到好，間房相應該唔洗住。可以既遲少少先再問你呀～真係謝謝你解答呀～我睇黎，去真係望下多幾次樓既感覺先，最重要。

Toyi

回應 #56 wing0

全部自己諗自己整，都算係咁啦！
淘寶佔8成！

都係問左3間ja!
另一間係欠債單位，同對面屋吹左2句！
見我地係到裝個個單位?
因為我老公會開氣窗望入面！
原來有d會留有磚地，有d得水泥地！

哩間就吉左半年，個戶主直頭裝晒cam,又成日call差佬上去！
就過班收數佬自從單位吉左就無上去！

不過我老公話唔好，一家大細唔揀哩d,所以前一年有晒經驗！
咁上年轉左4人就專攻30平以上單位！
不過湖景無?高層我第三日去都比人掃晒！

大興邨就大部份係尾房佔大半數做左特快！

christyng246565

回應  christyng246565

山景街市好似重建wo，不過就難有好野，景榮最多?
我個時深入到查晒近10年有無凶...
Toyi 發表於 2020-06-27 02:29:03 原文

山景係租置，今年都冇得揀架喇！所以最近係大興！
但如果天耀、天端有既，都會積極考慮，話曬有排住！

christyng246565

回應 #55 wing0

我想揀大啲，有1對仔女，我諗真係要間到3間房先夠用！

Toyi

回應 #59 christyng246565

我條走廊計，我同另一家都係間3間房
30平，我就1間7尺2間4尺闊！