LLss5566

回應 #40 Rachelbb

要十月先有

Mick0208

我也喜歡廳大啲，同埋光猛啲，都打算將大房一開2間比小朋友
Rachelbb 發表於 2021-07-14 18:50:20 原文

係啊！

veryhappy1021

我4-5人單位, 都係間左3房(大房1開2).都好闊落, 個廳都好大.

patrickf

房署網頁話：「領取門匙後，請詳細檢查單位內的設備和配件。如發現有不妥善或損壞的情況，請填妥「損壞情況報告表」，並於指定時間內交回屋邨辦事處，以便職員盡速通知承建商進行修繕。」
所以攞咗鎖匙，其實先要驗樓(如檢查來去水系統、門鎖、窗鎖等)，當無嘢要承建商執修，先至好安排裝修。因為如果裝修師傅一開工，就算發現了有嘢要執修，承建商都唔會再負責，咁樣就變咗要裝修師傅做埋(同埋即係要自己畀錢)。咁當然，如果無嘢要執修，就可以即刻安排裝修了。

所以其他師兄/師姐講得好好，而家就已經可以按單位平面圖(可在版內其他帖子內找到)，先想想間隔、傢俬擺位等。
要提一提，就是好似所有單位啲窗外面都有晾衫架，如果床擺貼窗邊，便要企/跪喺床度晾衫。(若是碌架床則更麻煩！)
唔用晾衫架，改在廁所內裝浴室寶去乾衫又是否可行？咁就要睇吓想用的型號是否合適。最通常的選擇是用窗口式的浴室寶放在抽氣扇位，但來電位的供電是否足夠，則要先作考察。其實抽氣扇功率最多幾十Watt，但浴室寶則通常上千Watt(因它要像暖爐般發熱！)，所以有可能要另外加電位(這該是乙類固定裝置工程，要先向房署申請批准，並由合資格電工負責才可！！)(如果只是想乾衫，也可以考慮用抽濕機。但如果家中有老人家，怕沖完涼會冷親，就一定揀浴室寶方便些。)

至於小朋友轉校方面，幼稚園、小學定中學的情況會幾唔同，仲要睇埋你之前住邊。不過當您咁心急問，都可以估計是小朋友年紀小，不方便自己上學又或是要長距離跨區。啟鑽的情況都幾尷尬，因為預計是9月或是10月入伙，踏正開學時間，都不知是否該買書、買校服。而目前啟鑽也只是預派，都未有正式租約，亦無人敢寫包單幾時真的可以入伙，所以都是應該做好兩手準備。
一個方案是讓小朋友先就讀舊居那邊的學校，希望在學期開始後便入伙並安排在下學期轉校；不然，便是向這邊的學校(啟鑽該屬小學校網45、中學則是黃大仙區)叩一吓門，看看有沒有學校肯在未有正式房署租約而只簽了意向書，也肯為您安排了。

最後想一提的是，啟鑽都是一個萬眾矚目市區內的新屋邨。政府一向有資助一些社工隊，提供新屋邨的入伙支援服務。通常在簽約取鎖匙那天，負責的社福機構都會在邨內擺攤位，如果登記了，便會送出一些社區服務的資源套、入伙小禮物(如拉尺、水桶)等，亦可以安排義工陪同驗樓/提供驗樓工具借用(如電燈泡、插蘇等)等等。此外，這些社福機構會與教育局、社署等有聯繫，可以為有需要居民提供所需要的轉校安排、社會服務/福利等等。您也可以在簽約攞鎖匙那天，看看是否有這些社工隊提供入伙支援服務。

Rachelbb

房署網頁話：「領取門匙後，請詳細檢查單位內的設備和配件。如發現有不妥善或損壞的情況，請填妥「損壞情況...
patrickf 發表於 2021-07-15 17:49:53 原文

謝謝你呀，你俾啲資料好有用，我會參考參考

kissfai

回應 #27 Rachelbb

間3間房，仔女公用一個冷氣。仔女大，要私人空間，無辦法，細細地都要甘做，因為我都係樓梯型，難設計，

kissfai

回應 #38 LLss5566

鄰居你好，打算點間房？？比D意見我吖，同樣01啊，頭痛緊點間3個房

LLss5566

回應 #57 kissfai

你都係啟宏01？
其實長型廳好好間啊，飯廳客廳都好分明
入門左邊做主人房，右上角大房間到兩間房
我係煩緊個鋼琴放邊好

kissfai

回應 #58 LLss5566

我係01啊，如果右手邊間2個房，係唔係其中一個房裝唔到冷氣啊？

LLss5566

回應 #59 kissfai

裝到啊
裝分體式啦