我舊年揀左,分享一下我的心得體會:首先,我係第一日最尾時段選樓的,我在名單一出來就已經選出自己心水單位,考慮孩子轉校問題,所以我就選返自己住開的黃大仙區,但黃大仙區的6人單位相當熱門,所以我做好打算,觀塘的6人單位都有做功課,清出大約30間適合的就再排優先次號,如果到時到我的時候仲有就按自己心水排位來睇。我當時有抽部分過去睇左,但其實我睇的都是係首選,所以到我時已經無了,然後匆忙下的決定的那間係從來無去睇過的,得好短時間比你決定,一就放棄下年再來過,一就在無甘理想中找理想的,時間太緊迫了,我自己都腦海一片空白,結果都係選擇左跨區,好彩細囡成績OK,但轉校都相當難,大囡就成績麻麻但反正佢都中學了就繼續讓她每天搭車返學吧。所以其實都講運氣,而家我對這個單位好滿意,唯一唔滿意的係當時房署留左地板給我,我見地板唔整可以慳錢慳時間所以無整,其實當時我可以要求房署還原比我,而家最唔滿意係地闆,哩度爛果度缺,又滑,我净换左地脚綫,但無辦法了,都已經整好晒。到時再睇下點樣鋪下地板啦。
講真,能夠改善到空間已經好感恩。希望大家都有好運氣可以選到自己心水之家。本留言最後由 SUKI2006 於 2023-02-02 10:47:57 編輯