回應 SKWCK84
大家覺得貴，我用綠表買賣去研究是否值得買
但部分人硬用1梯N伙的設計區分公居屋，以為居屋...
lkf531 發表於 2016-09-23 23:42:51 原文
或者咁講，值唔值得買係睇需唔需要，老實講如果景泰係白表申請既話，我相信一定搶盡，你睇今日私樓好多細單位都比人搶
但而家問題係大家都要用一生只有一次既綠表去換，公屋居民本身其實已經有一個單位住緊，交緊平租，就算交倍半或隻倍，其實以房署叫你交得雙倍既標準黎講，都係平
咁即係話公屋居民有一個絕大既優勢－守！
因為你唔去抽，你唔會失去什麼，你可以等到有心儀既大單位先去買，如果係幾年前，居屋計劃未重新啟動之前，有時係有d當年既貨尾單位，果陣我就覺得考慮既空間唔大，因為已經無乜選擇可以俾你揀
但今時今日唔係，黎緊每年都會有居屋，而且市區既單位係未來1,2年開始陸續有黎，因此大家都有得選擇之下，自然無咁好既地方自己多問題俾人指出
因為各大既居屋屋苑選址都係有精心諗過既，就算係新界區，都唔會話唔方便（包括交通同生活上），而且環境上亦唔會太差，但綠置居係一個突然出現既概念黎，第一期既景泰苑本身就唔係計劃用黎做居屋，而係政府係咁多個興建中既公屋之中揀出黎既，政府唔會郁d大型屋苑（如蘇屋，安達臣，水泉澳之類），而佢就揀左政府都唔想管理既單幢式，因為雖然係單幢，但政府要維持相同既服務成本就相對增加，因此景泰苑如果作為一個公屋屋苑，其實都無乜問題，可能係嘈小小，可能係無休閒設施，但對等上公屋既人黎講，無乜所謂啦，但而家係要交一間公屋，再真金白銀用6折去買6成業權，記住，景泰苑本身係公屋黎，而家佢所謂賣既495呎，其實即係等於公屋既4-5人單位409呎2房，而佢所呎既400呎，即係公屋既3-4人單位330呎，最衰係佢連出個單位都古惑過人，你1房咪1房、2房咪2房囉，但佢用埋曬乜野3-4人單位，4-5人單位，再加一個無495呎既409呎，等公屋既人以為真係大左（其實就係自己住緊既2房一樣）
另外就係因為將來有其他供應，根本就唔缺，心水清既人士好早已經知道有更靚既居屋會出，例如啟德居屋，本來佢個地盤應該係用黎預留做煥然一居第2期，但因為早幾年知道煥然一居吸引唔到果d迫遷居屋去換，因此之前政府將佢改做居屋地盤，咁即係話啟德居屋個地皮本來就係一個市區重建局既一個靚地皮黎，仲有鑽石山，又係一個對正地鐵站既上蓋居屋，有比較之下，我覺得綠置居係咪真係岩你
，用得5-6百萬接點解唔買私樓 
吹水都用少少邏輯吖
